«Kaniečnie, stała lepš!» Hałoŭny ideołah Mastoŭ raskazvaje, čamu pafarbavali pomnik zahinułym u vajnu FOTY
Vialikaja šeraja steła staić u skviery na vulicy Zaniomanskaj. Jana pryśviečanaja ziemlakam, jakija zahinuli ŭ hady Vialikaj Ajčynnaj vajny. Ale 3 maja žychary horada zaŭvažyli, što pomnik zaźziaŭ novymi farbami. U litaralnym sensie.
Ale čamu raptam steła stała čyrvona-zialonaj? Namieśnica staršyni Mastoŭskaha rajvykankama Maryna Davydzik, jakaja adkazvaje za ŭsiu sacyjalnuju śfieru, patłumačyła «Našaj Nivie», što heta było.
«Kožny hod da 9 maja my abnaŭlajem usie pamiatnyja dla mastaŭčan miescy. Steła, pra jakuju vy kažacie, heta nie miesca pachavańnia voinaŭ. Heta steła, jakuju pastavili ŭ pamiać ab zahinułych na vajnie. Pafarbavali jaje z metaj estetyčnaha ŭsprymańnia. I pafarbavali ŭ tradycyjnyja dla biełarusaŭ kolery: zialony i čyrvony», — skazała Davydzik.
Ale što značyć «pafarbavać z metaj estetyčnaha ŭsprymańnia»?
«Vy ž razumiejecie, što lubuju farbu treba abnaŭlać — bo daždžy, śnieh, viecier. I šeraja steła ŭžo była nie vielmi pryhožaj. Tamu jaje abnavili», — tłumačyć čynoŭnica.
Davydzik kaža, što joj novy vyhlad pomnika spadabaŭsia:
«Kaniečnie, lepš stała! Abnavili stełu, jana pryhožaja, sakavitaja, jarkaja, na ŭjeździe. Pryciahvaje ŭvahu».
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj22
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary