Synu palitźniavolenaj Kanieŭskaj dali try hady kałonii za kamientary ŭ adras siłavikoŭ
U Homielskim abłasnym sudzie 17 červienia vynieśli prysud 26-hadovamu Dźmitryju Kanieŭskamu. Za «raspalvańnie varožaści» (č. 1 art. 130 KK) sud pakaraŭ jaho pazbaŭleńniem voli na 3 hady ŭ kalonii ahulnaha režymu, piša Radyjo Svaboda.
«Raspalvańnie varožaści» — tak śledztva i sud traktavali nehatyŭnyja kamentary ŭ telehramie, jakija Dźmitryj pakinuŭ pad emocyjami, kali daviedaŭsia, što jahony pryjaciel nibyta zahinuŭ ad ruk AMAP.
Dźmitry — syn palitźniavolenaj Taciany Kanieŭskaj. Uviesnu jaje pakarali 6 hadami pazbaŭleńnia voli za «masavyja biesparadki» i «plany zachopu budynkaŭ».
Na sudzie Dźmitry tłumačyŭ, što sapraŭdy na emocyjach napisaŭ kamentary ŭ adnym z telehram-čataŭ. Jon daviedaŭsia, što nibyta jahonaha sasłužyŭca zabiŭ AMAP. I tamu napisaŭ u «Telehramie» hnieŭnyja kamentary ŭ bok milicyi.
17 červienia Dźmitry Kanieŭski vystupiŭ u sudzie z apošnim słovam. Jon skazaŭ, što vielmi škaduje pra svoj učynak, całkam raskajvajecca, prasiŭ nie karać jaho surova. «Heta było zroblena ŭ hnievie i złości», — dadaŭ małady čałaviek.
Kamientary