U sudzie nad šaściu palitviaźniami ŭ homielskim SIZA abviaścili pierapynak na dva tydni
Pra toje, što ŭ sudzie abvieščany pierapynak, paviedamiła ŭ fejsbuku žonka palitviaźnia Mikoły Statkieviča Maryna Adamovič.
Sud nad Siarhiejem Cichanoŭskim, Iharam Łosikam, Mikołam Statkievičam, Uładzimiram Cyhanovičam, Dźmitryjem Papovym i Arciomam Sakavym idzie ŭ zakrytym režymie ŭ budynku homielskaha SIZA z 24 červienia. Advakaty dali padpisku ab nierazhałošvańni, tamu pra akaličnaści pracesu ničoha nie viadoma. Usim šaści fihurantam spravy pahražaje da 12—15 hadoŭ pazbaŭleńnia voli.
13 kastryčnika spoŭniłasia 500 dzion z momantu zatrymańnia Mikoły Statkieviča. 31 maja 2020 hoda jaho vyciahnuli z aŭtamabila pa darozie na minski Kamaroŭski rynak, dzie Statkievič źbiraŭsia paŭdzielničać u pieradvybarčym pikiecie Śviatłany Cichanoŭskaj.
Sudzić Mikołu Statkieviča pačali razam ź Siarhiejem Cichanoŭskim, Iharam Łosikam, Arciomam Sakavym, Dźmitryjem Papovym: Uładzimiram Cyhanovičam u kancy červienia 2021-ha.
Pa słovach Maryny Adamovič, Mikoła Statkievič nie čakaje łahodnaha prysudu. Razam ź Iharam Alinievičam jaho možna nazvać «recydyvistam», tamu vyniesieny prysud, chutčej za ŭsio, budzie albo maksimalnym z mahčymaha, albo blizkim da jaho.
Siarhiej Cichanoŭski ličyć, što jaho prysudziać da 15 hadoŭ pazbaŭleńnia voli
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary