Hienprakuror Švied: 1600 čałaviek asudzili pa «ekstremisckich» spravach. I nivodnaha apraŭdalnaha prysudu
Siońnia hienieralny prakuror Andrej Švied byŭ z dakładam u Łukašenki, dzie siarod inšaha paznajomiŭ jaho sa statystykaj pa kryminalnych spravach «ab złačynstvach ekstremisckaj nakiravanaści». Spraŭ bolš za 1200, ludziej pa ich prachodziła bolš za 1600, apraŭdalnaha prysudu — nivodnaha.
Pavodle Andreja Švieda,
u 2021 hodzie prakurory padtrymali dziaržaŭnaje abvinavačańnie pa bolš čym 1200 kryminalnych spravach «ab złačynstvach ekstremisckaj nakiravanaści» ŭ dačynieńni da zvyš 1600 asob.
Pa ŭsich spravach, pavodle hienieralnaha prakurora, «realizavany pryncyp niaŭchilnaści adkaznaści», bo faktaŭ vyniasieńnia apraŭdalnych prysudaŭ nie zafiksavana.
Zatoje pa pratestach prakuroraŭ, padadzienych z pryčyny razychodžańnia pazicyj dziaržaŭnych abvinavaŭcaŭ i rašeńniaŭ sudoŭ, było ŭzmocniena pakarańnie 28 asobam.
Akramia taho za hod prakurory raspačali 523 «kryminałki» ŭ suviazi z akcyjami pratestu, nakiravali ŭ sudy 300 zajavaŭ ab pryznańni infarmacyjnaj pradukcyi ekstremisckaj (259 uchvalena), abmiežavali dostup da 15 sajtaŭ, likvidavali 60 arhanizacyj i vynieśli bolš za 8 tysiač papiaredžańniaŭ.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary