Kancler Niamieččyny: U vypadku ahresii suprać Ukrainy Rasiju čakajuć vielmi žorstkija sankcyi
U vypadku ahresii Rasii suprać Ukrainy sankcyi suprać Maskvy buduć «daloka idučymi» i «žorstkimi», zajaviŭ kancler Niamieččyny Ołaf Šolc u intervju telekampanii ARD pierad svaim pieršym vizitam u ZŠA.
Adkazy Šolca i pytańni telekanała pryvodzić RBK sa spasyłkaj na vydańnie Focus Online.
Žurnalistka zadała niekalki pytańniaŭ ab sankcyjach suprać Rasii, asabliva paznačyŭšy rolu hazapravoda «Paŭnočny patok-2». Sam Šolc u svaich adkazach hazapravod nie zhadvaŭ.
Na pytańnie, čamu b Bierlinu nie vykarystoŭvać hazapravod jak «palityčny ryčah», kab prymusić Maskvu advieści vojski ad miažy z Ukrainaj, Šolc adkazaŭ, što abmiarkoŭvaje mahčymyja sankcyi ź ES i ZŠA.
«Heta buduć vielmi daloka idučyja, vielmi žorstkija sankcyi, kali ŭ hetym paŭstanie nieabchodnaść. Choć tak, zaraz usie našy namahańni nakiravany na toje, kab praduchilić nieabchodnaść sankcyj i nieabchodnaść ich prymianieńnia», — zapeŭniŭ Šolc.
Žurnalistka znoŭ viarnułasia da «Paŭnočnaha patoku — 2» i spytała, ci choča kancler vykarystoŭvać jaho jak srodak cisku. «Ništo nie vyklučana» — zapeŭniŭ kancler.
Pry hetym Šolc rastłumačyŭ, što takija sankcyi abyducca vielmi doraha, tamu «my razhladajem usie hetyja miery paasobku».
Čytajcie taksama:
Analena Bierbak: Siarod mieraŭ reahavańnia na rasijskuju ahresiju razhladajucca sankcyi ŭ dačynieńni da «Paŭnočnaha patoka — 2»
Ministr abarony Łatvii: Palityka Hiermanii ŭ dačynieńni da Rasii nie ŭpisvajecca ŭ naš čas
Kiraŭnik MZS Niamieččyny nazvała pahrozaj sto tysiač rasijskich vajskoŭcaŭ kala Ukrainy
Kancler Hiermanii Šolc: Rasija pavinna pryznać, što siła ŭ praŭdzie
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary