Za ŭklučanuju pieśniu «Pieramien» pad Akreścina žančynu aštrafavali na 2880 rubloŭ. Sudździa pryznała pieśniu formaj pratestu
U sudzie Maskoŭskaha rajona Minska 1 lutaha adbyŭsia sud nad Julijaj Charytanovič. U kancy studzienia žančyna razam z byłym mužam i dziciom znachodzilisia ŭ mašynie kala CIPa na Akreścina. Zhodna z pratakołam, jana «ŭklučyła pieśniu Viktara Coja «Pieramien» z metaj vykazvańnia svaich hramadska-palityčnych pohladaŭ».
Vinu žančyna nie pryznała, bo śćviardžaje, što pieśniu ŭklučyła vypadkova, paviedamlajuć pravaabaroncy.
Zhodna z rapartam milicyjanta, siłaviki nie paśpieli adrazu zatrymać Charytanovič, bo jana źjechała da taho, jak siłaviki pryjechali na «miesca ździajśnieńnia pravaparušeńnia».
Da materyjałaŭ spravy milicyjanty dałučyli i pratakoł ahladu YouTube sa skrynšotami videamateryjałaŭ, u naźvie jakich jość słova «Pieramien», pa jakich jany zrabili vynik, što hetaja pieśnia — simvał pratestu.
Sudździa Taćciana Matyl adznačyła, što śpiavać abo słuchać «Pieramien» — značyć «vykarystoŭvać jaje jak formu pratestu, što vidavočna śviedčyć ab vykazvańni kankretnych hramadska-palityčnych pohladaŭ albo pratestu».
U vyniku, sudździa Matyl pryznała maci niepaŭnaletniaha dziciaci vinavataj pa art. 24.23 KaAP (niesankcyjanavanaje pikietavańnie) i aštrafavała jaje na 2880 rubloŭ (90 bazavych vieličyniaŭ).
-
«Trava tvaja, a piasok dziaržaŭny!» Biełarusy aburanyja štrafami za «kradziež» piasku
-
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje sabie ŭ vyrazach u sacsietkach
-
U Vilejskim rajonie staruju viaskovuju chatu pieratvaryli ŭ tvorčuju prastoru
Kamientary