Natalla Chierše: Ciapier ja bolš za ŭsio na śviecie radujusia vańnie
Natalla Chierše dała karotkaje intervju šviejcarskim ŚMI paśla prybyćcia ŭ Ciurych.
Pa słovach Natalli, ź joj usio ŭ paradku i psichałahična, i fizična.
Pra vyzvaleńnie joj paviedamili a 6-j ranicy, i ŭ jaje było mała času, kab spakavać svaje rečy.
«Ciapier ja bolš za ŭsio na śviecie radujusia vańnie», — kaža Natalla.
Umovy ŭtrymańnia jana nazyvaje «typova biełaruskimi». Kali žurnalisty pytalisia ŭ jaje pra katavańni, jana kazała, što časta na praciahu niekalkich dzion uklučali na vysokuju hučnaść radyjo.
«Ja abaviazkova viarnusia ŭ Biełaruś, heta ŭsio ž maja radzima. Ale ja pakul dakładna nie viedaju, kali mienavita», — skazała Chierše.
Pra svaju aktyŭnaść jana zusim nie škaduje:
«Ni na adzin pracent. Mnie niekalki razoŭ prapanoŭvali padać prašeńnie ab pamiłavańni, ale ja nie zmahła hetaha zrabić, tamu što nie mahu chłusić sabie».
Tamu jana amal źmiryłasia z tym, što daviadziecca siadzieć poŭny termin u turmie.
A pra svajo asabistaje žyćcio skazała tak:
«Ja jašče nie viedaju, ci pieražyli maje adnosiny hetuju situacyju, ci jość jašče ŭ mianie adnosiny».
Šrajbman z kalehami prapanavali pakrokavy płan deeskałacyi adnosin Biełarusi i ES53
Kamientary