Va ŭdavy Zielcera, imavierna, psichičny razład paśla zabojstva muža — jaje buduć sudzić jak biesśviadomuju
31 maja pačniecca zakryty sud nad Maryjaj Uśpienskaj — udavoj zabitaha pry pierastrełcy ź siłavikami prahramista Andreja Zielcera. Jak vynikaje z udakładnieńnia na sajcie suda, jaje buduć sudzić jak «asobu, jakaja ździejśniła hramadska-niebiaśpiečny ŭčynak».
Zhodna z p.13 art. 6 UPK, takaja farmuloŭka vykarystoŭvajecca, kali asudžanaha sudziać jak biesśviadomaha. Pry hetym stan biesśviadomaści moža być jak u momant ździajśnieńnia złačynstva, tak i, jak kaža zakon, u vypadku, kali asoba zachvareła na psichičny razład paśla.
U takich vypadkach vynosicca nie prysud, a pastanova z terminami lačeńnia. Abo, kali čałaviek zachvareŭ na psichičny razład paśla zatrymańnia, jaho pavinny buduć pieraasudzić paśla taho, jak jon adužaje.
Na pačatku śniežnia 2021-ha stała viadoma, što Maryja try tydni praviała ŭ Navinkach — jaje tudy adpraŭlali, kab pravieści psichijatryčnuju ekśpiertyzu.
Sudovy praces budzie vieści sudździa Valancina Ziańkievič. Maryju abvinavačvajuć u saŭdziele ŭ zabojstvie supracoŭnika KDB Dźmitryja Fiedasiuka pa č. 2 art. 139 Kryminalnaha kodeksa.
U žančyny jość niepaŭnahadovy syn ad pieršaha šlubu.
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy5
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary