Paśla pratestu prakurora dźvium siostram z Hrodna zamianili «chatniuju chimiju» na kałoniju. A jany bolš za hod žyvuć za miažoj
Raniej siaścior asudzili na 3 i 3,5 hoda «chatniaj chimii» pa spravie ab demanstracyi ŭ vieraśni 2020 hoda. Adnak, na dumku prakurora, sud nie ŭličyŭ, što žančyny ŭ sčepcy ŭstupali ŭ supraćborstva ź siłavikami. U vyniku jon padaŭ pratest na raniejšy prysud.
Imavierna, havorka idzie pra siaścior Žannu Zacharkievič i Nadzieju Ściepancovu, jakija byli vymušanyja pakinuć Biełaruś praź niekatory čas paśla abviaščeńnia prysudu.
Jak paviedamlaje Hienprakuratura, sud Leninskaha rajona abvinavaciŭ žančyn pavodle č. 1 art. 342 i art. 364 KK i prysudziŭ im abmiežavańnie voli biez nakiravańnia ŭ papraŭčuju ŭstanovu adkrytaha typu («chatniuju chimiju») na termin 3 hady i 3 hady i 6 miesiacaŭ adpaviedna.
Namieśnik hienprakurora padaŭ pratest na hety prysud. Na jaho dumku, sud nie ŭličyŭ, što žančyny, kali stajali ŭ sčepcy, ustupali ŭ supraćborstva ź siłavikami; pry hetym nibyta adna vykrykvała abrazy na adras milicyjanta, a druhaja navat udaryła adnaho ź siłavikoŭ.
U vyniku pa rašeńni novaha suda žančynam źmianili pakarańnie na pazbaŭleńnie voli terminam na 2 hady i 2 hady i 6 miesiacaŭ adpaviedna.
Ciapier čytajuć
U Aleksandryi Łukašenka pasadziŭ da siabie 23‑hadovuju pryhažuniu20
U Aleksandryi Łukašenka pasadziŭ da siabie 23‑hadovuju pryhažuniu
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary