U Iranie «palicyja noravaŭ» zahubiła 22-hadovuju dziaŭčynu, vybuchnuli pratesty
U Iranie sotni ludziej vyjšli na pratesty paśla hibieli pravaabaroncy i zmaharki za pravy žančyn Machsy Amini. Demanstracyi ŭ subotu prachodzili ŭ Tehieranie kala balnicy Kasr, dzie pamierła Amini, a taksama ŭ jaje rodnym horadzie Sahiez u iranskim Kurdystanie, dzie dziaŭčynu pachavali. Pratest padtrymali i ŭ inšych haradach.
22-hadovaja pravaabaronca Machsa Amini ź iranskaha Kurdystana pryjechała ŭ Tehieran praviedać svajakoŭ. 13 vieraśnia jaje zatrymaŭ śpiecyjalny atrad palicejskich, jakija sočać za vykanańniem šaryjackich normaŭ. Dziaŭčynu abvinavacili ŭ tym, što jana zamiest chidžaba mieła chustku. I z palicejskaha pastarunka žyvoj jana ŭžo nie vyjšła.
Pavodle aficyjnaj viersii, Machsa Amini pamierła ŭ pastarunku praz prablemy z sercam. Ale, pa źviestkach ŚMI, dziaŭčyna pamierła ŭ špitali. Tudy jaje dastavili z pastarunka mocna źbitaj, ź pierałamanym čerapam, i jana znachodziłasia ŭ stanie komy. Pra jaje śmierć było abjaŭlena 16 vieraśnia.
Jak śćviardžajuć svajaki Machsy Amini, jana była całkam zdarovaj maładoj žančynaj i nie mieła nijakich sardečnych zachvorvańniaŭ.
Niekalki dzion tamu da mahiły dziaŭčyny ŭ horadzie Sahiez u iranskim Kurdystanie stali prychodzić niezadavolenyja ludzi. Kali ŭ natoŭpie pačulisia kryki «Dałoŭ dyktatara!», pa pratestoŭcach adkryli ahoń na paražeńnie, zabiŭšy i paraniŭšy niekalki čałaviek. Heta pryviało da masavych akcyj pratestu pa ŭsioj krainie.
Padčas pratestaŭ žančyny spalvali chidžaby, zrazali vałasy i dzialilisia hetym u sacsietkach. Ludzi kryčali «Dałoŭ dyktatara!» i «Žančyny, svaboda, žyćcio!».
At Mahsa Amini's funeral in her hometown of Saqqez, Kurdistan province, women take their headscarves off in protest against Iran's forced hijab law amid "death to the dictator" chants.
— Shayan Sardarizadeh (@Shayan86) September 17, 2022
Mahsa, 22, died in custody after being arrested by morality police.pic.twitter.com/MaqyberjNO
U apošni čas Iran uzmacniaje represii suprać niazhodnych z kansiervatyŭnym režymam, u tym liku zmaharami za pravy žančyn. Uzmacniajucca i represii suprać samich žančyn, u tym liku tych, jakija nie majuć dačynieńnia da palityčnaha aktyvizmu. Naprykład, ciapier vynosiacca śmiarotnyja pakarańni za šlubnuju zdradu abo za samaabaronu ŭ situacyi chatniaha hvałtu.
-
Uźbiekistan vyjšaŭ na śled tysiačy hramadzian krainy, jakija mahli padpisać kantrakt na słužbu ŭ rasijskaj armii
-
Nasupierak dekłaravanamu namieru ekanomić, ZŠA pavialičać biudžet Pientahona da kaśmičnaha pamieru
-
Na vybarach u Rumynii za vychad u druhi tur zmahajucca nacyjanalist, libierał i kansiervatar
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija16
Kamientary