Na zaniatki pa biełaruskaj movie ŭ Japonii pryjšło bolš studentaŭ, čym płanavałasia
Pra heta raspaviała na svajoj staroncy ŭ fejsbuku vykładčyca biełaruskaj movy Sijory Kijosava. Jana vykładaje biełaruskuju movu va ŭniviersitecie Dzioci. Pa słovach Sijory, heta adzin z najlepšych pryvatnych univiersitetaŭ Japonii.
Zaniatki pa biełaruskaj movie — fakultatyŭnyja, univiersitet daŭ vykładčycy aŭdytoryju, u jakoj jość usiaho 20 miescaŭ dla studentaŭ. Pryjšło, adnak, kala 30.
«Siońnia adbylisia pieršyja zaniatki. Kolkaść studentaŭ akazałasia amal 30…! Nam navat pryjšłosia pierajści ŭ inšuju, bolš vialikuju aŭdytoryju. Ja ž ciapier vykładaju i ruskuju movu ŭ inšych univiersitetach. Adnak na maje zaniatki chodziać nie bolš za 17 vučniaŭ. Tamu siońnia byŭ niejki rekord… (prynamsi dla mianie). Usie studenty vielmi apantanyja dy ź vialikaj cikavaściu vyvučajuć movu našu miłuju…», — padzialiłasia radaściu vykładčyca.
Sijory Kijosava zdaŭna viadomaja svajoj prychilnaściu da biełaruščyny, pra jaje nieadnarazova pisali biełaruskija ŚMI, u tym liku i «Naša Niva».
Čytajcie taksama:
Kanhres biełaruskaj kultury: pieršy dakład pa-biełarusku pračytała japonka
«Sprabujma!» — u Japonii vyjšaŭ pačatkovy kurs biełaruskaj movy dla japoncaŭ
«My takija ž zakrytyja, jak i biełarusy» — biełaruskamoŭnaja japonka pra ŭtulny Minsk
Kamanda maleńkaha karybskaha vostrava Kiurasaa ŭpieršyniu ŭ historyi zhulaje na čempijanacie śvietu pa futbole. Što za vostraŭ i jak takoje atrymałasia?33
Kamientary