Nievierahodnyja biełaruski. TOP-7 litaratarak. Novaje videa na kanale Andreja Chadanoviča
U našym patryjarchalnym hramadstvie žančyny nie mieli i nie majuć roŭnych mahčymaściaŭ z mužčynami, tamu važna bolš raspaviadać i padtrymlivać žanočyja inicyjatyvy ŭ biełaruskaj litaratury. Łavicie chit-parad ulubionych biełaruskich litaratarak Andreja Chadanoviča.
Paet i błohier raskazvaje:
— chto źjaŭlajecca pieršaprachodnicami biełaruskaj žanočaj litaratury;
— jakoje miesca ŭ tvorčaści Ałaizy Paškievič zajmaje Ukraina;
— vieršy Łarysy Hienijuš, jakija słužyli padtrymkaj tym, kamu najbolš patrebnyja;
— što najstrašniejšaje na vajnie — pa mierkavańni adnoj z hieraiń tvora Śviatłany Aleksijevič;
— jak źjaviŭsia duchoŭny himn Biełarusi «Mahutny Boža» na vierš Natalli Arsieńnievaj;
— što za vyprabavańni vypali na žyćcio «paleskaj łastaŭki» Jaŭhienii Janiščyc;
— jak za try knihi paezii Taćciana Sapač stała adnoj z ulubionych paetak Andreja Chadanoviča;
— Jeva Viežnaviec jak adzinaja žančyna — łaŭreatka premii Hiedrojcia, i čamu jaje pieramoha była biassprečnaj.
Voś niekalki dumak z novaha videa:
Ukrainskija staronki zajmajuć značnaje miesca ŭ tvorčaści Ciotki. Miemaryjalnaja šylda visić u jaje pamiać u Lvoŭskim univiersitecie. Jość u jaje vierš «Susiedziam u niavoli». Hołas akupavanych Rasijskaj impieryjaj biełarusaŭ, jakija praciahvajuć ruku paniavolenym Aŭstra-Vienhierskaj impieryjaj ukraincam.
Adna z absalutnych viaršyniaŭ biełaruskaj emihranckaj litaratury nazvanaja biełaruskimi režymnymi prapahandystami ekstremistkaj, ale Natalla Arsieńnieva — aŭtarka adnaho z samych kultavych važnych dla nas himnaŭ «Mahutny Boža», jakija napisaŭ na jaje słovy Mikoła Ravienski. Sam vierš nazyvajecca «Malitva», napisany ŭ 1942 hodzie ŭ Minsku pad niamieckaj akupacyjaj, ale pahladzicie, jakoj univiersalnaj movaj — adčuvańnie, što aŭtarcy balić za ŭsiu Biełaruś i ŭsich biełarusaŭ, niezaležna ad taho, ź jakoha boku frontu i na jakoj pazicyi jany.
Zahadkavy vychad z akna na vośmym paviersie praź niekalki dzion paśla 40-hodździa znakamitaj paetki ŭ roskvicie słavy Jaŭhienii Janiščyc. Samahubstva, jakoje pakinuła bolej pytańniaŭ, čym adkazaŭ. Zrešty, samahubstva šmatrazova ŭ mietafarach, a časam i pramym tekstam pradkazanaje ŭ jaje bliskučych vieršach.
Biełaruskaja žanočaja litaratura jaskravaja, raznastajnaja, hłybokaja i vielmi patrebnaja nam siońnia, tamu hladzicie novy vypusk Andreja Chadanoviča ŭ novym farmacie, staŭcie padabajki, kamientujcie i dzialiciesia hetym videa ź siabrami i siabroŭkami.
Hladzicie taksama:
Bojnia №5 Vonehuta: mabilizacyja, bambardziroŭki, pałon i čužaja vajna. Novaje videa na kanale Andreja Chadanoviča
«Čuma» Albiera Kamiu i naša sučasnaść. Novaje videa Andreja Chadanoviča
«Što nie tak ź biełarusami?» — balučaja tema Kupały. Novaje videa na kanale Andreja Chadanoviča
Biełarus suprać ukrainca na čužoj vajnie
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ7
Kamientary