U Homieli i Mahilovie adnamomantna źjavilisia pabliki niebiaśpiečnaj moładzievaj subkultury «PVK Rodan»
«Rodan Homiel» u telehramie stvorany pad čyrvona-zialonym ściaham. A ŭ Mahilovie jany abviaścili zbor na 1 sakavika.
«PVK Rodan» nie maje ničoha ahulnaha z vajennymi kampanijami. Heta padletkavaja subkultura, dla jakoj charakterny kult hrubaj siły i amatary jakoj užo zaŭvažnyja ŭ niekalkich masavych bojkach. Spačatku sutyčki padletkaŭ z udziełam «PVK Rodan» adbylisia ŭ Rasii, potym pierakinulisia na Ukrainu. Na hety momant ukrainskija pravaachoŭniki vyśviatlajuć, ci jość rasijski śled u hetaj subkultury.
Masavyja sutyčki niepaŭnaletnich adbylisia 26 lutaha ŭ Charkavie, Kijevie i inšych ukrainskich haradach. U Homieli da bojek sprava pakul nie dajšła. Adnak raptoŭna taksama 26 i 27 lutaha ŭ ciktoku i telehramie źjavilisia pabliki «Rodan Homiel», zaznačaje vydańnie «Štodzień».
Pryčym kanał «PVK Rodan Homiel» ŭ telehramie stvorany 26 lutaha pad aficyjnym ściaham. Adnamomantna tam nabrałasia bolš za 500 padpisčykaŭ. I ŭžo 27 lutaha źjavilisia pahrozy ofnikam (ofniki — kalafutbolnyja fanaty), pad jakimi rezka źjaviłasia bolš za 11 tysiač kamientaryjaŭ.
Usiaho ŭ telehramie try kanały «PVK Rodan Homiel». I adna supołka pad nazvaj «Homiel suprać «PVK Rodan», dzie ŭžo iduć pahrozy prychilnikam novaj moładzievaj hrupiroŭki. Pieršaje paviedamleńnie «PVK Rodan Homiel» u ciktoku taksama datujecca 26 lutym.
Taksama źjaviłasia abviestka pra zbor prychilnikaŭ anime-subkultury «Rjodan» u Mahilovie. Čakajecca, što zbor animešnikaŭ projdzie 1 sakavika ŭ 16.00 kala handlovaha centra «Atryum» u Mahilovie, paviedamlaje mogilev.news.
«PVK Rodan» — moładzievaja subkultura, amatary anime, a mienavita sieryjała «Hunter x Hunter», dzie i sustrakajecca złačynnaja hrupoŭka pad nazvaj «Rodan». Jaje simvały — čorny koler, pavuki na vopratcy i ličba 4. Prychilniki hetaha ruchu vystupajuć suprać ultrasaŭ i mihrantaŭ.
Kamientary