Pamierli ad hrypu 67 čałaviek. Zachvareła 191 tys. čałaviek.
Ministerstva achovy zdaroŭja, pavodle stanu na 17:00 1 listapada, paćviardžaje 60 vypadkaŭ śmierci ad hrypu i vostrych reśpiratornych zachvorvańniaŭ, pačynajučy ad 19 kastryčnika ŭ zachodnich abłaściach krainy.
Najbolšaja kolkaść pamierłych u Lvoŭskaj vobłaści — 29 čałaviek.
Usiaho va Ukrainie zachvareli 191 431 čałaviek, špitalizavana — 7 tys. 524 čałaviek, paviedamlajuć ukrainskija ŚMI.
Ahmień epidemii rassoŭvajecca z zachadu krainy ŭ centr.
Prezident Juščanka zaklikaŭ ludziej jak najčaściej zastavacca doma, nie vychodzić biez patreby na vulicy i karystacca srodkami lekavańnia dy źviartacca pry pieršaj nieabchodnaści da miedykaŭ, paviedamlaje infarmahienctva UNIAN.
Učora va Ukrainie było pryniata rašeńnie pra karancin va ŭsich navučalnych ustanovach – škołach, technikumach, VNU – na try tydni, admianiajucca kancerty, roznyja schody.
Spynieny pryzyŭ u vojska.
Taksama prypynieny čempijanat Ukrainy pa baskietbole, nie vyklučajecca, što navat matč futbolnaj Lihi čempijonaŭ pamiž kijeŭskim «Dynama» i miłanskim «Interam» 4 listapada projdzie pry pustych trybunach.
Ukraina źviarnułasia pa dapamohu da Polščy i ŭsich susiednich krainaŭ, na miažy ź Biełarusi z našaha boku ŭviedzieny sanitarny kantrol. Słavaččyna pieradała Ukrainie pałovu svajho stratehičnaha zapasu miedyčnych masak — 200 tysiač. U Kijeŭ prybyli ekśpierty Suśvietnaj arhanizacyi achovy zdaroŭja, jakija majuć dapamahčy ŭładam u płanavańni antyepidemičnych zachadaŭ.
U Minsku z 20 kastryčnika, pavodle Minskaj haradskoj sanitarna-epidemičnaj słužby, pavialičyłasia intensiŭnaść siezonnaha ŭzdymu chvareńnia na vostryja reśpiratornyja infiekcyi. Sumarny pakazčyk vyras na 40%, a štodzionna pa dapamohu źviartajecca 5-6 tys. i bolej minčan.
Vakacyi ŭ minskich škołach, u Maładečnie i Bieraściejskaj vobłaści padoŭžany na tydzień, da 6 listapada.
Z metaj zaściarohi i praduchileńnia ŭźniknieńnia vostraha reśpiratornaha zachvorvańnia, u tym liku hrypu, nahadvajuć pra nieabchodnaść prafiłaktyčnych lekavych srodkaŭ, pieradusim Arpietoła dy inš.
Što da Biełarusi, to pavodle Minzdaroŭja na śviny hryp tut zachvareli 59 čałaviek, kolkaść zachvarełych na hryp i VRVI nie paviedamlajecca, ale adznačajecca, što kožny dzień da daktaroŭ u Minsku źviartajecca minimum pa 5‑6 tys. čałaviek.
Ciapier čytajuć
Muž Siamaški byŭ nie adzinym, chto atrymaŭ pašpart prykryćcia 13 lutaha 2018 hoda26
Kamientary