ISW: Sankcyi suprać Biełarusi mohuć być niedastatkovymi, kab pieraškodzić Rasii abychodzić sankcyi
Pavodle acenki Amierykanskaha instytuta vyvučeńnia vajny (ISW), sankcyi suprać Biełarusi mohuć być niedastatkovymi, kab pieraškodzić Rasii abychodzić sankcyi, źviarnuŭ uvahu Reform.by.
Raniej analityki vykazvali mierkavańnie, što 1 sakavika Alaksandr Łukašenka i staršynia KNR Si Czińpin padpisali pakiet z 16 pahadnieńniaŭ, jakija mohuć spryjać abychodu rasijskich sankcyj šlacham nakiravańnia kitajskaj pradukcyi praź Biełaruś.
U čarhovy zvodcy ISW havorycca pra sustreču Si Czińpina z Uładzimiram Pucinym padčas vizitu ŭ Rasiju z 20 pa 22 sakavika. Na dumku aŭtaraŭ, vierahodna, buduć abmiarkoŭvacca schiemy abychodu sankcyj i zacikaŭlenaść Kitaja ŭ pasrednictvie va ŭrehulavańni vajny va Ukrainie šlacham pieramovaŭ.
«Łukašenka paćvierdziŭ, što biełaruskaja pramysłovaść pastaŭlaje Rasii elektronnyja kampanienty, što patencyjna paćviardžaje papiarednija acenki ISW ab tym, što Biełaruś moža dapamahčy Rasii abyści zachodnija sankcyi», — adznačajuć aŭtary.
Napiaredadni Łukašenka zajaviŭ, što Biełaruś i Rasija padpisali pahadnieńnie ab stvareńni sumiesnaha biełaruska-rasijskaha Centra pa raspracoŭcy i vytvorčaści fotašabłonaŭ (pramiežkavy tavar, jaki vykarystoŭvajecca ŭ vytvorčaści mikraschiem). Pavodle jaho słoŭ, krainy raspracavali śpis krytyčna važnych elektronnych kampanientaŭ, i biełaruskaja pramysłovaść užo pačała pastaŭki niejkaj mikraelektroniki rasijskim pradpryjemstvam.
Raniej ISW aceńvała, što Biełaruś moža spryjać abychodu sankcyj dla Rasii i što Kitaj moža tajemna pieradavać tavary i/abo abstalavańnie ŭ Rasiju praź Biełaruś.
«Dziarždepartament ZŠA ŭvioŭ sankcyi ŭ dačynieńni da jašče niekalkich biełaruskich abaronnych pradpryjemstvaŭ i zrabiŭ bolš žorstkim isny ekspartny kantrol u Biełaruś z 24 lutaha 2023 hoda, ale hetyja sankcyi mohuć akazacca niedastatkova ŭsioabdymnymi, kab pieraškodzić Biełarusi adpraŭlać u Rasiju elektronnyja kampanienty, jakija vykarystoŭvajucca ŭ sistemach uzbrajeńnia, i inšyja technałohii padvojnaha pryznačeńnia. Łukašenka zrabiŭ hetuju zajavu na Biełaruskim technałahičnym pradpryjemstvie AAT «Płanar», u dačynieńni da jakoha ZŠA, padobna, nie ŭviali sankcyi», — adznačajuć śpiecyjalisty.
Ciapier čytajuć
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary