Izrailskaja armija (CACHAŁ) nanosić udary pa terytoryi Livana, paviedamlajecca ŭ tvitary Uzbrojenych sił. Vajskoŭcy ŭdakładnili, što atakavali «abjekty infrastruktury i abjekty terarystyčnaj arhanizacyi CHAMAS» na poŭdni Livana, pišiet RBK.
Telekanał Al Hadath pakazvaje, što havorka idzie pra rajon horada Cir. Pavodle źviestak jaho krynic, VPS Izraila nanieśli šeść rakietnych udaraŭ.
Akramia taho, CACHAŁ pačała novuju ataku na siektar Haza, havorycca ŭ tvitary armii. Pieršaja była krychu raniej, nočču 7 krasavika, u vyniku ŭdaraŭ byli źniščanyja dva tuneli i dva abjekty pa vytvorčaści zbroi CHAMAS. Padčas druhoha ŭdaru byŭ atakavany padziemny zavod, dzie vypuskali ŭzbrajeńni, jašče try abjekty pa vytvorčaści zbroi i tunel, udakładniła izrailskaja armija.
Napiaredadni, 6 krasavika, z boku Livana pa poŭnačy Izraila byli vypuščanyja 34 rakiety, 25 ź ich źbiła sistema SPA «Žalezny kupał». Premjer-ministr Izraila Bieńjamin Nietańjachu paśla hetaha paabiacaŭ, što kraina adkaža «lubym voraham».
CACHAŁ abvinavaciła ŭ atacy paleścinskuju hrupoŭku CHAMAS, sajuźnikam jakoj źjaŭlajecca dziejnaja ŭ Livanie šyickaja hrupoŭka «Chiezbała». Aficyjnyja ŭłady Livana ŭdar asudzili.
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary