U lutym 2022 hoda z terytoryi Biełarusi ŭvarvalisia 70 tysiač rasijan — namieśnik ministra abarony Ukrainy
U intervju «RBK-Ukraina» pieršy namieśnik ministra abarony, hienierał-lejtenant Alaksandr Paŭluk raspavioŭ pra toje, jakim byŭ płan Kramla pa zachopie Kijeva i dziakujučy čamu jon pravaliŭsia.
«Pryviadu prykład 35-j ahulnavajskovaj armii RF. Ź biełaruskaj miažy ŭvarvalisia 70 tysiač rasijan i 7 tysiač broniemašyn, jany pieraadoleli 115 km i dasiahnuli svajoj mety, całkam vykarystaŭšy haručaje. Dla dalejšych nastupalnych dziejańniaŭ na Kijeŭ im patrebnaja była dazapraŭka. Bienzavozam z palivam zastałosia jechać mienš za hadzinu. Ale siły supracivu Ukrainy źviarnuli ŭvahu na kanvoj daŭžynioj u 64 km i nie dapuścili jaho da vojskaŭ. Tych samych, jakija byli hatovyja akružyć Kijeŭ».
«Akupanty sutykalisia ź pieraškodami na praciahu ŭsiaho šlachu — zatory na vuzkich darohach, zatoplenych vadoj i da taho padobnaje. Ciapier užo možna kazać, što pačatkovyja zatrymki hetaj daŭžeznaj kałony byli ažyćcioŭlenyja śpiecyjalizavanym bajavym padraździaleńniem tolki z 30 śpiecnazaŭcaŭ. Jany vyvodzili z ładu abo źniščali pieršyja try mašyny, a zatym atakavali kanvoj. Pakolki jon staŭ daŭžejšym i bolš zabitym, našy vajskoŭcy ažyćciaŭlali razbureńnie mastoŭ. U rasijan była niešmatlikaja achova — prykładna 2 tysiačy sałdat. I jany tak i nie zmahli prarvacca skroź pieraškody, stvoranyja siłami abarony. Łahistyka akupantaŭ znachodziłasia ŭ takim stanie paŭsiul. Našy ž dziejańni i manieŭry tolki ŭdaskanalvalisia», — dadaŭ Paŭluk.
Va Ukrainy da maja mohuć vyčarpacca rakiety SPA, śviedčać źlityja amierykanskija dakumienty
Z sakretnych amierykanskich dakumientaŭ stała viadoma ličba strat ukrainskaj armii
Ukraina źmianiła vajennyja płany z-za ŭciečki sakretnych dakumientaŭ Pientahona — CMI
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam12
Kamientary