Illa Mironaŭ napisaŭ skarhu ŭ prakuraturu na supracoŭnikaŭ milicyi Savieckaha RAUS Homiela, jakija sioleta ŭ sakaviku praviali pieratrus u jahonaj kvatery z parušeńniem zakanadaŭstva.
Viarnuŭšysia dadomu 16 krasavika, vałancior zaśpieŭ svaju kvateru ŭ absalutna razhromlenym stanie: razabranaja mebla, raskidanyja rečy… Jak tady adznačyŭ Illa, za čas usich pieratrusaŭ tak zvanyja «pradstaŭniki zakona» hetym razam pieraŭzyšli siabie. Mamu aktyvista ŭ toj dzień dastavili ŭ RAUS Savieckaha rajona. Hetyja fakty parušeńnia zakona Illa Mironaŭ vyrašyŭ nie spuskać z ruk supracoŭnikam milicyi Savieckaha RAUS, tamu napisaŭ skarhu ŭ Homielskuju prakuraturu, paviedamlaje homielskaje vydańnie «Štodzień».
Illa Mironaŭ adznačyŭ, što da pačatku pieratrusu nie była pakazana pastanova ab jaho praviadzieńni (u vypadku, kali čałavieka niama doma, zhodna z zakanadaŭstvam, pastanovu pad raśpisku abaviazany pakazać paŭnaletniamu členu siamji).
«Majoj maci, prysutnaj u kvatery padčas pieratrusu, pastanova pradjaŭlena nie była. Takim čynam, možna zrabić vysnovu ab parušeńni śledčym paradku praviadzieńnia pieratrusu, — piša Illa Mironaŭ u svajoj skarzie. — A kali pastanovy pradjaŭlena nie było, padstavy praviadzieńnia pieratrusu nie jasnyja. Heta śviedčyć ab parušeńni pryncypu zakonnaści».
Pa słovach Mironava, nie była ŭručana paŭnaletniamu členu siamji i kopija pratakoła pieratrusu. I heta jašče adno hrubaje parušeńnie zakanadaŭstva, jakoje aktyvist taksama paznačyŭ u svajoj skarzie. Ale i heta nie ŭsio.
«Dokazy, atrymanyja z parušeńniem paradku, ustanoŭlenaha Kryminalna-pracesualnym kodeksam, nie majuć jurydyčnaj siły i nie mohuć być pakładzieny ŭ asnovu abvinavačvańnia zhodna z č.1 art. 105 KPK», — ukazaŭ homielec na jašče adno parušeńnie zakona.
Aŭtar skarhi akcentavaŭ uvahu na tym, što nahlad za vykanańniem zakonaŭ na ŭsich stadyjach kryminalnaha pracesu abaviazany ažyćciaŭlać prakuror. Taksama jon abaviazany prymać praduhledžanyja zakonam miery pa praduchileńni parušeńniaŭ zakona, ad kaho b hetyja parušeńni nie sychodzili.
Nahadajem, tolki za apošnija tydni Illa Mironaŭ adpraviŭ niekalki listoŭ u SK z metaj pryciahnuć da kryminalnaj adkaznaści prapahandystaŭ Ryhora Azaronka i Andreja Mukavozčyka.
Sustreču Ryžankova ź Sikorskim paprasiŭ Minsk. Što kamanda Cichanoŭskaj abmiarkoŭvała z palakami da i paśla jaje11
Kamientary