Paśla pravierki telefona ŭ minskim aeraporcie siłaviki zatrymali dziaŭčynu, jakaja viartałasia z adpačynku ŭ Jehipcie
U minskim aeraporcie siłaviki zatrymali pasažyrku, jakaja viartałasia ŭ Biełaruś z adpačynku ŭ Jehipcie, paviedamiła krynica «Miedyjazony». Dzie ciapier znachodzicca zatrymanaja dziaŭčyna i ŭ jakim jana statusie — nieviadoma.
Samalot z Šarm-el-Šejcha pryziamliŭsia kala poŭnačy ŭ Nacyjanalnym aeraporcie «Minsk». Na pašpartnym kantroli ŭ niekalkich pasažyraŭ uźnikli prablemy. Padčas pravierki ŭ ich zabrali dakumienty i «pasadzili» pierad budkaj pamiežnaha kantrolu.
U adnoj ź dziaŭčat, spynienych na pašpartnym kantroli, pravieryli telefon, praviali hutarku, «zrabili mazhi», paviedamiła krynica «Miedyjazony». Praź dźvie hadziny jaje adpuścili.
Jašče adna pasažyrka pakinuła aeraport u supravadžeńni dvuch siłavikoŭ. Pa słovach krynicy, supracoŭniki adkazali jaje chłopcu, što zabirajuć jaje «pahavaryć». Paźniej vyśvietliłasia, što na huhł-dysku ŭ telefonie ŭ dziaŭčyny znajšli «daŭniejšyja fota z žanočych maršaŭ i tamu jaje pakinuli ŭ milicyi da ranicy».
Paźniej stała viadoma, što jana znachodzicca ŭ Śledčym kamitecie.
Viadoma, što ŭ 2020 hodzie biełarusku zatrymlivali padčas pratestaŭ, sud pryznačyŭ joj štraf pavodle artykuła 23.34 KaAP.
Znajomy zatrymanaj raspavioŭ, što pierad vyletam jana vydaliła telehram. Paśla prachodžańnia miažy siabar napisaŭ joj, paviedamleńnie jakoje akazałasia pračytanym.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary