Ukraina stvaryła ŭ Rasii sietku ahientaŭ i pieradaje im drony kantrabandaju — ŚMI
Amierykanskija čynoŭniki ličać, što praŭkrainskija ahienty ŭ Rasii ździejśnili ataku na Kreml u pačatku maja, zapuściŭšy bieśpiłotniki z terytoryi Rasii, a nie Ukrainy.
Ukraina stvaryła ŭ Rasii sietku dobra padrychtavanych ahientaŭ dla dyviersij i daje im bieśpiłotniki ŭłasnaj vytvorčaści, jakija, imavierna, traplajuć u RF kantrabandnymi maršrutami. Pra heta piša CNN sa spasyłkaj na krynicy, znajomyja sa źviestkami amierykanskaj raźviedki.
Amierykanskija čynoŭniki ličać, što praŭkrainskija ahienty ŭ Rasii ździejśnili ataku na Kreml u pačatku maja, zapuściŭšy bieśpiłotniki z terytoryi Rasii, a nie Ukrainy.
Niajasna, ci byli inšyja ataki bieśpiłotnikaŭ — u tym liku adna, nakiravanaja na Maskoŭskuju vobłaść, i jašče adzin udar pa naftapierapracoŭčych zavodach na poŭdni RF — ažyćcioŭleny z rasijskaj terytoryi.
Na dumku słužbovych asob, Ukraina raspracavała dyviersijnyja hrupy ŭnutry Rasii, jakija składajucca z praŭkrainski nastrojenych ludziej, dobra padrychtavanych dla viadzieńnia takoha rodu vajny.
Paviedamlajecca, što Ukraina dała im bieśpiłotniki ŭkrainskaj vytvorčaści. Dva čynoŭniki zajavili CNN, što niama nijakich dokazaŭ taho, što jaki-niebudź z udaraŭ byŭ ździejśnieny z dapamohaj amierykanskich bieśpiłotnikaŭ.
Čynoŭniki nie zmahli dakładna skazać, jak Ukrainie ŭdałosia pierapravić bieśpiłotniki ŭ tył voraha, ale dźvie krynicy paviedamili CNN, što ŭkrainski bok stvaryŭ dobra adpracavanyja kantrabandnyja maršruty, jakija mohuć być vykarystanyja dla adpraŭki bieśpiłotnikaŭ abo ich kampanientaŭ u Rasiju, dzie ich potym źbirajuć.
-
Źjaviłasia VIDEA momantu ŭdaru ŭkrainskaj rakiety «Fłaminha» pa Votkinskim zavodzie, dzie vyrablajuć «Iskandery»
-
«Było jak ziemlatrus». Ukraina źniščyła vytvorčaść syraviny dla vybuchoŭki ŭ Smalenskaj vobłaści pobač ź Biełaruśsiu
-
Rasijski zek-vajskoviec pakryŭdziŭsia na słova «apuščany» i rasstralaŭ šeść sasłužyŭcaŭ
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje22
Kamientary