Modzi zajaviŭ, što Indyja nie niejtralnaja ŭ pytańni kanfliktu Maskvy i Kijeva
Indyja vystupaje za dyjałoh i mirnaje ŭrehulavańnie kanfliktu Rasii i Ukrainy, a zusim nie zajmaje niejtralnuju pazicyju, zajaviŭ u intervju The Wall Street Journal premjer-ministr krainy Narendra Modzi.
Ńju-Deli, jaki padtrymlivaje ciesnyja suviazi z Maskvoj, u tym liku ŭ śfiery ŭzbrajeńniaŭ i enierhanośbitaŭ, nie vystupaŭ z krytykaj Rasii za ŭvod vojskaŭ na Ukrainu i nie padtrymaŭ rezalucyju AAN z asudžeńniem vajennych dziejańniaŭ, adznačaje vydańnie. Niekatoryja krainy Zachadu nie ŭchvalajuć Indyju za taki padychod, ale, na dumku Modzi, padobnyja pohlady niešyroka raspaŭsiudžanyja ŭ ZŠA, piša RBK.
«Ja dumaju, što pazicyja Indyi dobra viadomaja i zrazumiełaja ŭsiamu śvietu. Vy možacie być upeŭnienyja, što najvyšejšym pryjarytetam Indyi jość mir», — skazaŭ jon.
«Niekatoryja kažuć, što my niejtralnyja. Ale my nie niejtralnyja. My na baku miru. Usie krainy pavinny pavažać mižnarodnaje prava i suvierenitet inšych dziaržaŭ», — dadaŭ Modzi, padkreśliŭšy, što kanflikty treba vyrašać z dapamohaj dypłamatyi i pieramoŭ, a nie vajennych dziejańniaŭ.
Čytajcie taksama:
Bajden vystupiŭ suprać spraščeńnia patrabavańniaŭ dla ŭstupleńnia Ukrainy ŭ NATA
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami23
Kamientary