Iłan Mask papiaredziŭ Kitaj, što kraina moža być całkam zachoplenaja štučnym intelektam
Adpaviednyja pieraściarohi amierykanski miljarder vykazaŭ asabista kitajskamu ŭradu padčas sustrečy ź im.
Amierykanski pradprymalnik i miljarder Iłan Mask pryznaŭsia, što asabista razmaŭlaŭ z kitajskimi ŭładami nakont ich płanaŭ stvaryć u krainie «ličbavy zvyšintelekt» i źviazanaj z hetym ryzykaj. Słovy Maska 14 lipienia pryviało navukovaje vydańnie HT Tech.
Padčas svajho niadaŭniaha vizitu ŭ Kitaj Iłan Mask, pa jaho słovach, papiaredziŭ kiraŭnictva Kitaja, što stvareńnie takoha intelektu moža pryvieści da surjoznych prablem až da straty kantrolu nad krainaj i ŭsiaho, što z hetaha vynikaje.
«Kitaj — važny sajuźnik čałaviectva pa rehulavańni i baraćbie z ryzykaj štučnaha intelektu. Adnak ja skazaŭ ich kiraŭnictvu, što kali jany stvorać ličbavy zvyšintelekt, to niepaźbiežna straciać kantrol nad im, Kamunistyčnaj partyjaj i ŭvohule nad usim Kitajem.
Ja ŭpeŭnieny, što nivodzin urad na płaniecie nie choča być skinuty štučnym intelektam, i maje zaściarohi kitajcy ŭspryniali surjozna», — padkreśliŭ miljarder.
Nahadajem, što niadaŭna Iłan Mask uvarvaŭsia ŭ honku štučnych intelektaŭ, stvaryŭšy novuju kampaniju pad nazvaj X.AI, jakaja, pa zadumie pradprymalnika, pavinna skłaści surjoznuju kankurencyju dziejnym hulcam na rynku niejrasietak, asabliva kampanii OpenAI — stvaralnicy suśvietna viadomaha ChatGPT.
Darečy, OpenAI u hetym miesiacy sama publična vystupiła z papiaredžańniem, što stvareńnie i raźvićcio štučnaha intelektu moža pryvieści da hibieli čałaviectva.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj37
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2828
Kamientary