U Horackim rajonie praviaduć hramadskaje abmierkavańnie pa pytańni vyrazańnia troch kustoŭ jadłoŭcu
Horacki rajvykankam pryniaŭ rašeńnie pravieści hramadskaje abmierkavańnie pa nadzvyčaj važnym dla miascovych žycharoŭ pytańni: treba vyrašyć, što varta rabić z «abjektami raślinnaha śvietu», to-bok tryma kustami jadłoŭcu, jakija rastuć kala zapraŭki «Biełarusnafty».
Zhodna z zaklučeńniem adździeła architektury i budaŭnictva, kusty majuć «nienaležny stan», — paviedamlajecca na sajcie Horackaha rajvykankama.
Hramadskaje abmierkavańnie adbudziecca 1 žniŭnia pa adrasie: Horacki rajon, Dobraŭski sielski Saviet, 17, kala aŭtadarohi R-7. Pačniecca mierapryjemstva a 9-j hadzinie.
Uziać udzieł u abmierkavańni zaprašajuć usich achvotnych, dla hetaha treba tolki mieć z saboj pašpart ci inšy dakumient, jaki paćviardžaje asobu.
Vydańnie «Mahiloŭ. Media» adznačaje, što heta ŭ Horackim rajonie nie pieršaje abmierkavańnie, jakoje adroźnivajecca drobiaznym maštabam prablemy. Dahetul rajvykankam u Horkach inicyjavaŭ hramadskaje abmierkavańnie adnosna metazhodnaści śpiłoŭvańnia adnoj biarozy, choć raniej biez abmierkavańnia tam ža vysiekli ceły haj.
Čytajcie taksama:
Ułady hetaha biełaruskaha horada abviaścili dzień darmovaj pracy
Jak vyhladali čynoŭniki ŭ rajonach na ŭračystaściach Dnia dziaržaŭnaha ściaha FOTY
Kamientary