Jak vyhladali čynoŭniki ŭ rajonach na ŭračystaściach Dnia dziaržaŭnaha ściaha FOTY
Biełaruskuju hłybinku da Dnia ściaha, hierba i himna prybrali ŭ čyrvona-zialonaje.
Hałoŭnyja ŭračystaci prachodzili ŭ abłasnych centrach. Na ich, jak vodzicca, pradpryjemstvy i arhanizacyi rekrutavali ŭdzielnikaŭ, jakija mielisia źjavicca sa ściahami.
U Mahilovie da hetaha dnia prymierkavali adkryćcio adramantavanaj vulicy Kamsamolskaj. Tralejbusam pa joj prajechała kiraŭnictva harvykankama i abłvykankama. Staršynia abłasnoj viertykali Anatol Isačanka i haradski kiraŭnik Alaksandr Studnieŭ byli biez halštukaŭ.
Ramont vulicy vydaŭsia skandalnym, bo darožniki źniščyli staruju brukavanku na joj.
Uskładać kvietki da miemaryjała «Baraćbitam za savieckuju ŭładu» mahiloŭskija čynoŭniki pryjšli pry halštukach. Płošča Słavy, dzie adbyłasia asnoŭnaja ŭračystaść, patanała ŭ čyrvona-zialonym. U pieršych šerahach była milicyja.
U Škłovie Dzień dziaržaŭnaha ściaha adznačyli biez asablivaha pafasu. Da aficyjnaj daty praviali viełaprabieh. Staršyni rajvykankama Andreja Kamko, jak vyhladaje z publikacyj praŭładnych miedyja, na ŭračystaściach nie było.
Bukiet z troch hvaździkoŭ da pomnika palehłym u Druhuju suśvietnuju vajnu ŭskładaŭ namieśnik staršyni Škłoŭskaha rajvykankama Alaksandr Davydovič. Na čynoŭniku byŭ zavialiki dla jaho kaściumny harnitur. Pobač ź im była žančyna ŭ majcy z nadpisam «Lubimuju nie otdajut».
Na ŭračystaściach u Białyničach. Fota: tielehram-kanał «Novosti Biełyničiej»
Najbolš kreatyŭnymi na Mahiloŭščynie byli čynoŭniki ŭ Białyničach. Dla ich pašyli čyrvona-zialonyja stroi.
U taki była apranuta i staršynia rajvykankama Volha Prystromskaja. Jana vinšavała ŭ im pieramožcaŭ spartovaha zabiehu, prymierkavanaha da aficyjnaj daty.
U Horkach zładzili vajskovy parad. Jaho ŭdzielnikami byli achoŭniki miascovaj kałonii i lačebna-pracoŭnaha prafiłaktoryja dla žančyn.
Staršynia rajvykankama Michaił Huły vystupaŭ na fonie traich vajskoŭcaŭ.
U Kryčavie adznačać Dzień ściaha sabrali apranutuju ŭ military moładź.
Staršynia Kryčaŭskaha rajvykankama Andrej Siedukoŭ u strohim kaściumie razam z padnačalenymi razdavaŭ paśviedčańni novym členam BRSM. Tyja ŭ adkaz prysiahali na viernaść «dziaržaŭnym simvałam Biełarusi».
Sioleta ŭpieršyniu ŭłady adznačajuć Dzień ściaha, hierba i himna Respubliki Biełaruś. Da 12 krasavika 2023 hoda heta data była pryśviečana tolki hierbu i ściahu.
Adznačajuć hety dzień u pamiać pra refierendum 14 maja 1995 hoda, pa vynikach jakoha byli admienienyja nacyjanalnyja simvały Biełarusi — bieła-čyrvona-bieły ściah i hierb «Pahonia» — i ŭviedzienyja sučasnyja. Pra himn na tym refierendumie havorki nie viałosia.
Dzień ściaha, hierba, a ciapier i himna adznačajuć štohod u druhuju niadzielu maja. Sioleta na im nie vystupiŭ Łukašenka. Jon nie źjaŭlajecca na publicy ad 9 maja.
«Naša Niva» — bastyjon biełaruščyny
PADTRYMAĆHladzicie taksama:
U Dziarždumie paćvierdzili infarmacyju ab prablemach sa zdaroŭjem u Łukašenki
Łukašenka biare ŭdzieł u Paradzie Pieramohi na Krasnaj płoščy FOTA
Kamientary
jany z hoładu puchnuć?