U Baranavičach 20 hadoŭ tamu stavili mietaličnyja płaty, «kab było pryhoža», ciapier z toj ža metaj ich zrazajuć
U Baranavičach miascovyja ŭłady ŭ jakaści štrafnych sankcyj zrazajuć u niekatorych miescach adnatypnyja aharodžy, jakija sami ŭ svoj čas centralizavana i pastavili. Jany ŭpeŭnienyja, što niadbajnych haspadaroŭ, jakija za hetymi aharodžami nie sačyli, takim čynam zrobiać dbajnymi, piša miascovaja hazieta «Naš kraj».
Vulica Pieršukieviča — adna z samych ažyŭlenych u Baranavičach. Jana źviazvaje horad z vakzałam Baranavičy-Paleskija, pa joj ža kiroŭcy vyjazdžajuć na ŭschodni prajezd. Tamu pra toje, kab paabapał hetaj vulicy ŭsio vyhladała prystojna, zaŭsiody baleła hałava ŭ miascovaha načalstva.
Kab vyrašyć prablemu, krychu mienš za 20 hadoŭ tamu na vulicy Pieršukieviča pastavili adnolkavyja mietaličnyja płaty za košt srodkaŭ haradskoha biudžetu. Ale pastavić pastavili, dy nie ŭsie žychary vulicy hetyja kazionnyja płaty naležnym čynam dahladali, i niekatoryja ź ich vyhladajuć ciapier zusim nieprezientabielna.
Tamu hetym razam haradskija ŭłady ŭklučyli advarotny praces: tuju častku mietaličnych płatoŭ, jakija ableźli i navat zaržavieli biez haspadarskaj ruki, vyrašyli demantavać.
Ciapier jakraz pačała realizoŭvacca hetaja kampanija. Rabočyja «Baranavičyrambuda» zrazajuć niefarbavanyja i zaržaviełyja aharodžy, spadziejučysia, jak piša «Naš kraj», što, «hledziačy na čužy horki dośvied, astatnija žychary vulicy voźmucca za pendźli z farbaj, što dazvolić zachavać aharodžy».
«Pakul rabočyja ź instrumientami nie stali zrezać aharodžy ŭ inšych častkach horada, jość čas prysłuchacca da hołasu rozumu i paśpieć pryvieści svoj płot u paradak. Nu a tym, kamu škada hrošaj na słoik farby, para pačynać pryceńvacca da aharodžaŭ, jakija pryjdziecca ŭstaloŭvać užo za svoj košt», — pavučalna zakančvaje dziaržaŭnaje ŚMI svoj repartaž.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna1
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1111
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha11
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam54
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4747
Kamientary
nie.
nie.
i jašče raz nie.