Sirył Ramafosa na sustrečy, pryśviečanaj vajnie va Ukrainie, zaklikaŭ prezidenta Rasii adnavić pracu zbožžavaj uhody. Rasšyfroŭka sustrečy apublikavana na sajcie Kramla.
«My siudy pryjšli nie dla taho, kab prasić pra niejkija «dary». My, viadoma, razumiejem, što vy sa ščodraści vyrašyli biazvypłatna dać zbožža niekatorym afrykanskim krainam, jakija sutykajucca z peŭnymi składanaściami, adnak heta nie naša asnoŭnaja meta tut. Heta nie hałoŭnaja naša zadača, kab damahčysia niejkich pastavak takoha charaktaru», — zajaviŭ Ramafosa.
Prezident Paŭdniova-Afrykanskaj respubliki padkreśliŭ, što krainy Afryki prapanoŭvali Rasii adnavić udzieł u zbožžavaj uhodzie i havaryli ab nieabchodnaści «adkryćcia Čornaha mora», kab jano «było adkrytaje dla suśvietnych rynkaŭ».
Raniej Uładzimir Pucin na pasiadžeńni forumu «Rasija-Afryka» zajaviŭ, što Rasija hatova biaspłatna najbližejšyja try-čatyry miesiacy pastavić niekalkim afrykanskim krainam pa 25-50 tysiač ton zbožža. Pavodle słoŭ Pucina, RF moža pastavić zbožža Burkina-Faso, Zimbabve, Mali, Samali, Centralnaafrykanskaj Respublicy i Erytrei.
Termin zbožžavaj uhody skončyŭsia 17 lipienia. Rasijskija ŭłady abviaścili, što jana spynienaja, bo častka damoŭlenaściaŭ, jakija tyčacca Rasii, nibyta nie vykanana. Z 18 lipienia rasijskija vojski nanosiać udary pa abjektach partovaj infrastruktury Ukrainy, u tym liku ŭ Adesie.
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
Kamientary