Pchieńjan u abmien na bojeprypasy choča atrymać ad Rasii inšyja vajennyja technałohii.
Amierykanski bok vałodaje infarmacyjaj, paćvierdžanaj spadarožnikavymi zdymkami, ab tym, što Paŭnočnaja Kareja pastaviła ŭ Rasieju bolš za tysiaču kantejnieraŭ z bojeprypasami, zajaviła pasoł ZŠA pry NATO Džulijan Śmit na bryfinhu, piša «Ukrainskaja praŭda».
«U nas jość novaja infarmacyja ab tym, što KNDR niadaŭna pastaviła dadatkovyja ŭzbrajeńni ŭ Rasiju dla prymianieńnia ŭ vajnie suprać Ukrainy. Pavodle našaj infarmacyi, KNDR pieradała RF bolš za tysiaču kantejnieraŭ vajskovaha abstalavańnia i bojeprypasaŭ. My rašuča asudžajem KNDR za pieradaču rasiejcam takoha ŭzbrajeńnia, jakoje, niesumnienna, budzie vykarystana dla napadaŭ na ŭkrainski narod, ukrainskija harady, a taksama ŭ dalejšaj niezakonnaj vajnie RF», — skazała pasoł.
Jana taksama paviedamiła ab najaŭnaści spadarožnikavych zdymkaŭ, na jakich vidać pieramiaščeńnie hetych kantejnieraŭ z Paŭnočnaj Karei ŭ Rasiju na hruzavych sudach.
Pavodle jaje słoŭ, u ZŠA ličać, što Pchieńjan u abmien na bojeprypasy choča atrymać ad Rasii inšyja vajennyja technałohii. Nie vyklučana, što ŭ hetym «śpisie žadańniaŭ» Pchieńjana jość źniščalniki, rakiety ziamla-pavietra, bronietechnika, abstalavańnie dla vytvorčaści balistyčnych rakiet i inšyja ŭzbrajeńni.
Śmit padkreśliła, što Złučanyja Štaty praciahnuć sačyć za raźvićciom situacyi i vyjaŭlać lubyja sproby pastavić u Rasiju ŭzbrajeńnie.
-
Iranskija dziaržaŭnyja ŚMI ŭpieršyniu pakazali razburanuju rezidencyju Chamieniei paśla ŭdaru ZŠA i Izraila VIDEA
-
U Polščy rasijaninu, jaki vydavaŭ siabie za apazicyjaniera, dali siem hadoŭ kałonii za pracu na FSB. Jaho žonka taksama atrymała termin
-
U ES zaćvierdzili novyja pravy avijapasažyraŭ. Šmat čaho vy daŭno čakali
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam8
Kamientary