U Połacku i Navapołacku zatrymali 30 čałaviek, źviazanych ź miascovymi viełačatami
Pra zatrymańni raskazali na «Biełaruś-1», piša «Miedyjazona».
U siužecie havorycca, što ŭ žniŭni 2020 hoda čat stali «napampoŭvać ahresiŭnymi videarolikami». U studyju zaprasili apieratyŭnaha supracoŭnika, jaki raspavioŭ, što ŭ čacie publikavali zakliki da vychadu na pratesty i abmiarkoŭvali płany pa «źviaržeńni ŭłady». Supracoŭnik raspavioŭ, što zatrymali bolš za 30 čałaviek.
Pa słovach viadučaj «Biełaruś-1», siłaviki «pryciahnuli da adkaznaści» administratara čata. Što ź im ciapier, nieviadoma.
Telekanał pakazaŭ videa ź niekalkimi ŭdzielnikami čata. «Miedyjazona» znajšła ich staronki ŭ sacsietkach — heta Alaksiej Korabaŭ, Arciom Barsukoŭ i Mikita Iljaniec.
Korabaŭ na kamieru kaža, što byŭ uviedzieny ŭ zman, Barsukoŭ — što «zarehistravaŭsia» ŭ telehram-kanałach z «zaklikami da zabastovak i instrukcyjami pa dyskredytacyi Biełarusi i płanami pa źmienie ŭłady», a Iljaniec — što ŭ žniŭni 2020 hoda ŭdzielničaŭ u niekalkich viełazajezdach pa Navapołacku i byŭ padpisany na «zabaronienyja kanały».
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary
Nahadaju, što u 2020m masava paŭstali byłyja jabaćki.