Prahramistu z Hrodna za danaty ŭ 2020-m u padtrymku zatrymanych i kamientary dali čatyry hady kałonii
Ahułam jaho asudzili pa piaci artykułach.
U Hrodzienskim abłasnym sudzie 4 studzienia vyniesieny prysud 37-hadovamu prahramistu Alaksandru Jaškinu.
Jaho abvinavačcili pa piaci artykułach Kryminalnaha kodeksa:
- č. 1 i č. 2 art. 367 (paklop u dačynieńni da Łukašenki);
- art. 361-2 (finansavańnie dziejnaści ekstremisckaha farmiravańnia (redakcyja straciła siłu 26.05.2021);
- č. 1 art. 130 (raspalvańnie rasavaj, nacyjanalnaj, relihijnaj albo inšaj sacyjalnaj varožaści);
- č. 1 i č. 2 art. 368 (abraza Łukašenki);
- č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich).
Spravu razhladaŭ sudździa Valeryj Ramanoŭski, piša «Viasna».
Jaškina zatrymali ŭ mai 2023 hoda i da suda źmiaścili pad vartu.
Pavodle materyjałaŭ, mužčyna raźmiaščaŭ kamientary, jakija «źmiaščajuć paklop i abrazy na adras Łukašenki, zaklikaŭ da zachopu dziaržaŭnaj ułady i hvałtoŭnaj źmieny kanstytucyjnaha ładu ŭ krainie».
Akramia taho, u žniŭni 2020 hoda mužčyna dvojčy rabiŭ danaty ŭ padtrymku zatrymanych.
Vynik suda — čatyry hady kałonii va ŭmovach ahulnaha režymu.
20 śniežnia Jaškin byŭ uklučany ŭ śpis asob, jakija majuć dačynieńnie da «terarystyčnaj» dziejnaści.
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami27
Kamientary