Chto toj doktar z «Łade», jakomu hubazikaŭcy pahražajuć kryminalnaj spravaj
Cimura Łozku zatrymali bolš za tydzień tamu.
Zatrymanaha kličuć Cimur Łozka. Jon doktar, da 2020 hoda pracavaŭ u Bresckaj abłasnoj balnicy aniestezijołaham. U mužčyny jość žonka, taksama doktar, i małoje dzicia.
Viadoma, što jaho razam z žonkaj zatrymlivali ŭ kastryčniku 2020 hoda byccam by za ŭdzieł u pratestach. Łozku padtrymali bresckija miedyki, jakija zładzili łancuhi salidarnaści z płakatami Ja/My Cimur Łozka.
U 2022 Łozku zatrymlivali padčas refierenduma, jaki supaŭ z praviadzieńniem antyvajennych akcyjaŭ u Biełarusi. Tady jamu dali štraf u 50 bazavych.
Apošnim časam jon pracavaŭ u pryvatnaj klinicy «Łade» jak reanimatołah-aniestezijołah.
Data zatrymańnia Łozki nieviadomaja, ale 26 studzienia 2024 nad im adbyŭsia sud pa artykule pra «raspaŭsiud ekstremisckich materyjałaŭ». Imavierna, ciapier miedyk aryštavany.
Hubazikaŭcy pahražajuć jamu kryminałkaj — na videa jaho zmušajuć kazać, što jon achviaravaŭ resursu NEXTA.
«Naša Niva» — bastyjon biełaruščyny
PADTRYMAĆ
Kamientary