Rasija znoŭ atakavała Ukrainu bieśpiłotnikami i rakietami. U Kryvym Rohu druhi dzień zapar pieraboi z elektryčnaściu
U kamandavańni Pavietranych sił USU paviedamili, što ŭ noč na 3 lutaha rasijskija vojski atakavali Ukrainu 14 bieśpiłotnikami typu «Šachied».
Pa danych ukrainskich vajskoŭcaŭ, jak i ŭ noč na 2 lutaha, «značnaja častka» bieśpiłotnikaŭ atakavała abjekty enierhietyčnaj infrastruktury ŭ Dnieprapiatroŭskaj vobłaści.
Nad rehijonam źbili piać dronaŭ, jašče niekalki BPŁA dasiahnuli ziamli. Kiraŭnik Dnieprapiatroŭskaj abłasnoj vajennaj administracyi Siarhiej Łysak paviedamiŭ, što ŭ vyniku ataki ŭźnikli dva pažary.
«Bieź śviatła ŭ rajonie amal 15000 čałaviek. A jašče — dźvie kacielni Kryvoha Roha, jakija zabiaśpiečvajuć 43000 abanientaŭ. U horadzie častkova abiastočany chutkasny tramvaj. Taksama niekatoryja siemji zastalisia biez vodazabieśpiačeńnia», — napisaŭ Łysak.
Kiraŭnik Rady abarony Kryvoha Roha Alaksandr Viłkuł zajaviŭ, što rasijskija vajskoŭcy ŭdaryli pa abjekcie enierhietyčnaj infrastruktury horada.
U noč na 2 lutaha rasijskija vojski zapuścili pa terytoryi Ukrainy 24 udarnych bieśpiłotniki. Adzin ź bieśpiłotnikaŭ paškodziŭ elektrapadstancyi «Ukrenierha», bieź śviatła ŭ Kryvym Rohu zastalisia kala 40 tysiač abanientaŭ, u tym liku dźvie šachty, nahadvaje «Mieduza».
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary