U Hrodnie mužčyna prynios kvietki i fota Navalnaha da konsulstva Rasii. Jaho sudzili
Mužčyna pryjechaŭ na taksi da hienkonsulstva Rasii ŭ Hrodnie. Jon pakłaŭ la płota konsulstva fota pamierłaha ŭ PK Alaksieja Navalnaha i dźvie hvaździki. Taksama jon zrabiŭ fota. U hety čas la konsulstva dziažuryła milicyja. Mužčynu zatrymali i sudzili za pikietavańnie. Rašeńnie źjaviłasia ŭ banku sudovych rašeńniaŭ. Proźviščy i dakładnyja daty nieviadomyja, piša Hrodna.life.
Spravu razhladali ŭ sudzie Leninskaha rajona 20 lutaha pavodle č.1 art. 24.23 KaAP «Parušeńnie paradku arhanizacyi abo praviadzieńnia masavych mierapryjemstvaŭ». Mužčyna nibyta parušyŭ zakon «Ab masavych mierapryjemstvach», pakolki pikietavaŭ biez dazvołu Hrodzienskaha harvykankama.
Jamu dali 10 sutak administracyjnaha aryštu. Mužčyna pryznaŭ vinu.
Dakładna nieviadoma, uskłaŭ kvietki biełarus ci rasijanin. Jaho asabistyja źviestki, uzrost i miesca naradžeńnia ananimizavanyja. Viadoma, što ŭ jaho siaredniaja adukacyja, jon žanaty, nie pracuje, da administracyjnaj adkaznaści nie pryciahvaŭsia. Pražyvaje ŭ Rasii.
Infarmacyja pra śmierć rasijskaha palityka Alaksieja Navalnaha ŭ papraŭčaj kałonii «Polarnyj vołk» źjaviłasia 16 lutaha. Pa aficyjnaj viersii, jamu stała drenna paśla prahułki. Tolki 24 lutaha cieła pieradali jaho maci. 1 sakavika płanujecca pravieści pachavańnie palityka.
Kamientary