Rusłan Junusaŭ, jaki niekalki hadoŭ tamu staŭ Jaŭhienam Viktaravičam Pryhožynym, u kancy studzienia zahinuŭ na vajnie va Ukrainie.
Heta zdaryłasia ŭ vakolicach ukrainskaha siała Rabocina, dzie tady išli bai. Hibiel vajskoŭca «Ahienctvu» paćvierdziła žonka jaho brata.
Śpis z 296 zahinułych pad Rabocinam desantnikaŭ z Pskoŭskaj 76-j desantna-šturmavoj dyvizii PDV apublikavaŭ telehram-kanał «Daśje špijona». Pad numaram 195 u pieraliku znachodzicca Jaŭhien Viktaravič Pryhožyn, u jakoha paznačany druhija imia, proźvišča i imia pa baćku — Rusłan Fiecichavič Junusaŭ.
Pa słovach žonki brata Junusava, vajenny słužyŭ u Pskoŭskaj dyvizii PDV, na vajnu pajšoŭ dobraachvotnikam i zahinuŭ na froncie ŭ studzieni. Surazmoŭca «Ahienctva» paćvierdziła, što Junusaŭ źmianiŭ dakumienty ŭ 2018 hodzie.
Pavodle viersii Pientahona, Pryhožyn vykarystoŭvaŭ «dvajnikoŭ», kab schavać svaje pieramiaščeńni.
Jak pisała «Fantanka», Junusaŭ atrymaŭ dakumienty na imia Pryhožyna 26 maja 2018 hoda. U 2019 hodzie mužčynu aryštavali pavodle abvinavačvańnia va ŭdziele ŭ rabavańni — desantnik razam ź Piatrom Piranom, u jakoha jon pracavaŭ achoŭnikam, uvarvalisia ŭ kvateru pradprymalnika, imia jakoha nie raskryvajecca, pad vyhladam FSB.
Złačyncy, pahražajučy zatrymańniem i katavańniami, prymusili biznesmena addać im piać młn rasijskich rubloŭ najaŭnymi i pieravieści kryptavalutu na 55 młn rubloŭ. U 2020 hodzie sud prysudziŭ Junusavu vosiem hadoŭ kałonii. Pierad aryštam jon patłumačyŭ źmienu proźvišča «rodam svajoj dziejnaści» achoŭnika.
U žniŭni 2023 hoda desantnik jašče adbyvaŭ pakarańnie ŭ kałonii i sprabavaŭ viarnuć svaje raniejšyja imia, proźvišča i imia pa baćku, pisała Ruskaja słužba «Bi-bi-si». Sud tady admoviŭ asudžanamu. U toj publikacyi žurnalisty nazvali Junusava adnym z troch viadomych dvajnikoŭ Pryhožyna.
Čytajcie taksama:
Zabojstva Jaŭhiena Pryhožyna arhanizavaŭ Patrušaŭ — WSJ
Navošta Kramlu patrebnyja teoryi pra chvaroby, śmierci i dvajnikoŭ Pucina
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17
Kamientary