400 dzion tamu źnikła suviaź z palitźniavolenym Mikołam Statkievičam
Apošniuju infarmacyju pra palitviaźnia rodnyja Mikałaja atrymali 9 lutaha 2023 hoda.
Statkievič znachodzicca za kratami bolš za 3 hady i 9 miesiacaŭ. Jamu prysudzili 14 hadoŭ źniavoleńnia ŭ kałonii asobaha režymu. Apošniuju infarmacyju pra palitviaźnia rodnyja Mikałaja atrymali 9 lutaha 2023 hoda, nahadvaje «Viasna».
U druhoj pałovie listapada svajaki Statkieviča praz «druhija ruki» atrymali paćvierdžańnie, što jon dahetul znachodzicca ŭ hłybockaj kałonii №13, dzie siadzić pa čarzie to ŭ adzinočnaj kamiery PKT, to ŭ kamiery štrafnoha izalataru.
Jaho pazbavili prava na telefanavańni i adzinaj na hod pieradačy i spatkańnia. Za apošni hod jahonyja rodnyja nie atrymali nivodnaj viestački ad Mikałaja.
Žonka palitviaźnia Maryna Adamovič była zatrymana 23 studzienia padčas rejdu na svajakoŭ palitviaźniaŭ. Jaje asudzili za «drobnaje chulihanstva» da 15 sutak aryštu.
Padtrymajcie palitviaźnia: PK № 13, 211791, Hłybokaje, Savieckaja, 205, Mikałaju Viktaraviču Statkieviču
Dla palitviaźnia Mikoły Statkieviča nie pryniali rečavuju pieradaču i miedyčnuju banderol
«Kali sprava abmiažujecca «hłybokimi spačuvańniami», to takija žudasnyja naviny buduć źjaŭlacca pastajanna» — Cichanoŭskaja
«Mahu tolki malicca, kab dačka była žyvaja», — baćka Maryi Kaleśnikavaj, pra jakuju ŭžo hod niama navinaŭ
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała8
Kamientary