U Minsku sprabujuć pradać zakinutuju hramadskuju prybiralniu, kab zrabić ź jaje kaviarniu. Cana nie simvaličnaja
Na aŭkcyjonnaj placoŭcy «Biełrealizacyja» źjaviŭsia cikavy łot, zaŭvažyła Blizko.by. Nazyvajecca jon «kapitalny budynak (pad rekanstrukcyju) ź invientarnym numaram 500/C-21341», ale za hetym indeksam chavajecca staraja i daŭno zakinutaja hramadskaja prybiralnia.
Prybiralnia płoščaj u 59 kvadratnych mietraŭ znachodzicca ŭ centry horada, na vulicy Pulichava. Jana była pabudavanaja ŭ dalokim 1966 hodzie i spraŭna pracavała kala 30 hadoŭ, paśla čaho zakryłasia i zaniapała.
U 2010 hodzie budynak kupiła pryvatnaja kampanija «Absalutinviestbud» i pačała rekanstrukcyju, ale jana ŭrešcie tak i nie skončyłasia, budynak dahetul abharodžany i nakryty dziaruhami.
Uvosień 2023 hoda jaho ŭžo sprabavali pradać z aŭkcyjonu za 250 tysiač rubloŭ (78 tysiač dalaraŭ), ale tarhi nie adbylisia, bo nichto nie zachacieŭ kuplać prybiralniu ŭzrostu bolš čym u paŭstahodździa pa canie dvuchpakajovaj kvatery.
Ciapier startavaja cana značna źmienšanaja: 100 tysiač rubloŭ (ci 31 tysiača dalaraŭ). Tarhi adbuducca 29 sakavika.
Adznačana, što ŭzhodnienyja papiarednija prajektnyja prapracoŭki z Kamitetam architektury Minharvykankama, pryčym płošča abjekta paśla płanavaj rekanstrukcyi składzie kala 1000 kvadratnych mietraŭ. Miarkujecca, što novy ŭładalnik zrobić tut kaviarniu.
Vylecieła ŭ nieviadomym kirunku śpikierka KR Anžalika Mielnikava30
Kamientary