«Homielskaja praŭda» ačuniała ad ataki «Kibierpartyzanaŭ» tolki praz 8 dzion
Jak paviedamlaje «Fłahštok», siońnia prapahandyscki resurs «Homielskaja praŭda» narešcie staŭ znoŭ adčyniacca ŭ Biełarusi paśla ataki na jaho, praviedzienaj «Kibierpartyzanami» 25 sakavika. Pry hetym za miežami krainy resurs pa-raniejšamu niedasiažny.
Pradstaŭnik «Kibierpartyzanaŭ» prakamientavaŭ «Fłahštoku» dziejańni hrupoŭki:
«Vybrali ich, tamu što była ideja raźmiaścić na roznych prałukašenkaŭskich partałach vinšavańnie z Dniom Voli i abjavu pra aktyŭny nabor u Połk Kalinoŭskaha praz novy bot, jaki my stvaryli. Ciapier Biełarusi vielmi patrebnyja sapraŭdnyja hieroi i abaroncy svajho narodu, tamu my vyrašyli pryciahnuć uvahu mienavita da hetaj temy.
Placoŭka dla navinaŭ nam padałasia najbolš arhaničnym resursam dla realizacyi našaj idei. A «Homielskaja praŭda» jakraz źjaŭlajecca takoj prałukašenkaŭskaj placoŭkaj. To-bok my adnačasova i vinšavali kreatyŭna biełarusaŭ z Dniom Voli, i atakavali varožy resurs, i pryciahvali ŭvahu da naboru ŭ PKK.
Zrabić było nie składana. My zrabili ŭ toj dzień šerah jašče padobnych atak».
Pradstaŭniki «Homielskaj praŭdy» i čynoŭniki situacyju z błakavańniem resursu nie kamientavali.
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj45
Kamientary