Špakoŭski pahražaje rasijskamu «Kommiersantu» błakiroŭkaj na terytoryi Biełarusi
Daradca biełaruskaj ambasady ŭ RF Alaksandr Špakoŭski pryhraziŭ błakavańniem «Kommiersantu» za artykuł nibyta ab namiery Biełarusi admovicca ad absłuhoŭvańnia płaciežnych kartak sistemy «Mir».
«3 krasavika vydańniem «Kommiersant» była apublikavanaja paklopnickaja infarmacyja pra nibyta namier Respubliki Biełaruś admovicca ad absłuhoŭvańnia płaciežnych kartak sistemy «Mir», piša Špakoŭski ŭ telehramie.
Pavodle jaho, hetu infarmacyju z «Kommiersanta» pierapościli inšyja resursy.
«Nieabchodna padkreślić, što publikacyja «Kommiersanta» maje ŭsie prykmiety kłasičnaj infarmacyjnaj dyviersii, nakiravanaj na padryŭ davieru ŭnutry Sajuznaj dziaržavy Biełarusi i Rasii», — piša Špakoŭski.
Pavodle jaho, «paklop («ukid») publikujecca napiaredadni pieramovaŭ kiraŭnictva Centrabanka RF i Nacbanka Respubliki Biełaruś».
«Takim čynam, šlacham śviadomaj dezynfarmacyi šyrokaj hramadskaści naniesiena adčuvalnaja škoda imidžu Respubliki Biełaruś i biełaruska-rasijskim adnosinam. Pytańnie «Kamu vyhadna?» zastajecca adkrytym», — piša jon.
I pahražaje, što «ŭ pracesie pryniaćcia mier reahavańnia Ministerstvam infarmacyi Respubliki Biełaruś mohuć być pryniaty rašeńni pa błakavańni resursu «Kommiersant» u biełaruskim ličbavym siehmiencie».
Miž tym, u artykule «Kommiersant» napisaŭ pra zachavańnie supracoŭnictva «Mira» ź sistemaj «Biełkart». Pavodle vydańnia, isnujuć ryzyki praz druhasnyja sankcyi, ale ryzyki spynieńnia supracoŭnictva mienavita z «Biełkart» — minimalnyja.
Mścisłaŭ Miekta: jašče adzin recydyvist rviecca va ŭładu, prykinuŭšysia śpiecnazaŭcam-jabaćkam15
Kamientary