Łukašenka adreahavaŭ na paradu Radzinaj nanosić udary pa NPZ u Biełarusi
Na sustrečy z Pucinym Alaksandr Łukašenka raskazaŭ, jakoje daručeńnie daŭ vajskoŭcam paśla intervju hałoŭnaj redaktarki «Chartyi» Natalli Radzinaj.
«U nas paŭkrainy znachodzicca ŭ radyusie 100 kiłamietraŭ ad Kijeva. U tym liku i Mazyrski NPZ, jaki, na ščaście, siońnia pracuje bieź pierabojaŭ, madernizavany, i vy zapraŭlajeciesia palivam z Mazyrskaha NPZ, — kazaŭ jon Pucinu. —
Vašy i našy źbiehłyja (heta mnie pazaŭčora infarmacyju pieradali) uvieś čas palakam i inšym pakrykvajuć: «Davajcie pa Mazyry ŭdarym, pa NPZ, jany ž ahresaru pastaŭlajuć paliva dla vajennych patreb u tym liku. Značyć, zakonnaja meta.
Ja tady svaich vajskoŭcaŭ paklikaŭ, kažu: «Pastaŭcie na pazicyi ŭsio, što ŭ nas jość (nie budu pieraličvać), i tady adkažam tak, što mała nie padasca».
Nahadajem, u niadaŭnim efiry ŭkrainskaha Radio NV viadučy spytaŭ Natallu Radzinu pra zakonnyja vajennyja celi na terytoryi Biełarusi i pry jakich umovach pa ich mahli b udaryć. Radzina adkazała, što heta rašać ukrainskamu boku.
«Ja liču, što ŭ ciapierašniaj situacyi nie treba čakać, pakul ružžo, jakoje visić na ścianie, vystralić, a treba dziejničać usio-taki previentyŭna. Treba razumieć, što Łukašenka niebiaśpiečny, daviarać jamu nielha, nijakija damoŭlenaści ź im nie spracujuć i nieabchodna dziejničać previentyŭna. To-bok pačynajučy z taho, što razumieć, što nanosić udary pa vajskovych abjektach, pa rasijskich vajskovych abjektach, pa tych ža NPZ, pracujučych siońnia na rasijski VPK — heta sapraŭdy zakonna i Ukraina maje na heta prava».
«Rasii ciapier patrebnaja takaja Biełaruś». Łukašenka patłumačyŭ, čamu biełaruskaja armija pakul nie vajuje
Pucin vykarystaŭ Łukašenku, kab zajavić pra hatoŭnaść pačać pieramovy z Ukrainaj na asnovie Stambulskich damoŭlenaściaŭ
«Dziasiatkami vykidvajuć trupy cieraź miažu». Pra što Łukašenka siońnia raskazvaŭ Pucinu
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ55
Kamientary