U Breście sudziać žurnalistku Alenu Cimaščuk: za dyskredytacyju, raspalvańnie varožaści i pa «ekstremisckim» artykule
Što stała pryčynaj dla kryminalnaha pieraśledu žurnalistki — pakul dakładna nieviadoma.
U raskładzie Bresckaha abłasnoha suda na 31 traŭnia byŭ paznačany sudovy praces nad Alenaj Cimaščuk. Jaje abvinavačvajuć pavodle troch artykułaŭ Kryminalnaha kodeksa: u dyskredytacyi Respubliki Biełaruś (art. 369-1KK), raspalvańni varožaści ci varažniečy (č. 3 art. 130 KK) i va ŭdziele ŭ ekstremisckim farmavańni (č. 3 art. 361-1 KK), piša BAŽ.
Imia, proźvišča i imia pa baćku abvinavačanaj całkam supadajuć z danymi miascovaj žurnalistki, jakaja pracavała ŭ dziaržaŭnaj haziecie «Briestskij viestnik» i teleradyjokampanii «Brest».
Taksama raniej Alena Cimaščuk jak fryłansier supracoŭničała z rehijanalnymi vydańniami «Viečiernij Briest», «Briestskij kuŕjer», «Briestskaja hazieta», internet-vydańniem «Virtualnyj Briest», a taksama z «Briestskim zielonym partałam».
Jak adznačajuć miascovyja žurnalisty, Alena Cimaščuk padčas supracy ź niezaležnymi vydańniami nie rychtavała publikacyj na palityčnyja temy. Časam jana rabiła rekłamnyja artykuły i pisała na temy psichałohii, bo maje vyšejšuju adukacyju pa hetaj śpiecyjalnaści.
Što stała pryčynaj dla kryminalnaha pieraśledu žurnalistki — pakul dakładna nieviadoma.
Vieści praces daručyli sudździu Dźmitryju Karasinskamu. Da pryznačeńnia ŭ listapadzie 2023 hoda ŭ Brescki abłasny sud Karasinski ŭznačalvaŭ sud Stolinskaha rajona.
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam7
Kamientary