Praź miesiac paśla zatrymańnia, jakoje adbyłosia 8 traŭnia, probašč ryma-katalickaj parafii ŭ Šumilinie ajciec Andžej Juchnievič nie vyjšaŭ na volu. Heta aznačaje, što jaho asudzili na administracyjny aryšt treci raz zapar. Dva papiarednija razy jamu pryznačali pa 15 sutak aryštu, piša Katolik.life.
Novy termin i abvinavačvańnie, a taksama abvinavačvańnie pa druhim pratakole pakul zastajucca nieviadomyja.
U pieršy raz śviatara asudzili na aryšt pavodle administracyjnaha artykuła za «niesankcyjanavanaje pikietavańnie» (Parušeńnie paradku arhanizacyi abo praviadzieńnia masavych mierapryjemstvaŭ). Jak skazana ŭ apublikavanaj u banku sudovych rašeńniaŭ pastanovie, śviataru pastavili ŭ vinu toje, što raniej jon raźmiaščaŭ na svaim fota profilu ŭ sacsietcy niekalki značkoŭ, i hetyja dziejańni milicyja i sud paličyli niesankcyjanavanym pikietavańniem. Probašča sanktuaryja asudzili tady na maksimalna mahčymy termin.
Fota profilu sa značkami, pra jakija idzie havorka (u tym liku z aficyjnym ściaham Ukrainy) śviatar abnaŭlaŭ bolš za dva hady tamu. U toj ža dzień, 26 lutaha 2022 hoda, kali na fota profilu probašča źjaviŭsia značok sa ściaham Ukrainy, jon źmianiŭ jaho na vyjavu hołuba miru. Adnak heta pad uvahu nie pryniali.
Za padobnyja dziejańni ŭ internecie pa anałahičnym artykule byŭ asudžany taksama vikaryj parafii Pavieł Lemiech, jaki paśla dvuch sudoŭ i aryštu vyjšaŭ na volu i viarnuŭsia da słužeńnia ŭ sanktuaryi.
Katalickaha śviatara z Šumilina nie vypuścili paśla 10 sutak, sudzili paŭtorna
Stali viadomy prysudy śviataram z Šumilina
Śviataroŭ z Šumilina sudzili dystancyjna, a zatrymali nie tolki ich
Katalickich śviataroŭ u Šumilinie zatrymali nibyta za «dyviersijnuju dziejnaść na škodu biełaruskaj dziaržavie»
U Šumilinie zatrymali dvuch katalickich klirykaŭ
Biełarus nabyŭ kvateru ŭ Ispanii, ale jaje zaniali akupasy. Ciapier jon nie moža jaje viarnuć42
Kamientary