Ich zatrymali padčas abłavy ŭ lutym.
Sud Centralnaha rajona Minska 27 červienia pačnie razhladać kryminalnuju spravu ŭ dačynieńni minskich architektaraŭ, jakich siłaviki zatrymali padčas abłavy ŭ lutym. Infarmacyja ab hetym zjaviłasia ŭ raskładzie sudovych pasiadžeńniaŭ, piša Radyjo Svaboda.
Ramana Zabiełu, Illu Pałonskaha, Tacianu Pałonskuju i Darju Mandzik abvinavačvajuć pavodle č. 1 art. 342 Kryminalnaha kodeksu («arhanizacyja i padrychtoŭka dziejańniaŭ, što hruba parušajuć hramadski paradak, abo aktyŭny ŭdzieł u ich»).
Usich čatyroch raniej pryznali palityčnymi viaźniami.
Maksimalnaje pakarańnie pavodle artykuła — da 4 hadoŭ pazbaŭleńnia voli.
Sudzić architektaraŭ budzie Viktoryja Šabunia, daŭno viadomaja svaimi palityčna matyvavanymi prysudami, udziełam u raspravie ź inšadumcami.
U lutym siłaviki zatrymali kala 40 architektaraŭ i prajektantaŭ, a taksama ich svajakoŭ, ahułam kala 70 čałaviek.
Niekatorych adpuścili, niekatorych pakarali aryštam, čatyry čałavieki trapili pad kryminalny pieraśled. Padstavaj dla zatrymańnia, peŭna, staŭ fotazdymak z maršaŭ pratestaŭ u 2020 hodzie. Tady architektary i prajektanty išli pa Miensku asobnaj kałonaj.
Kamientary
stužka ŭprava nie hartajecca.
Inšyja artykuły źnizu nie adkryvajucca
Tamu kamientujučy što mahu)))