Ispanija stała pieršym finalistam Jeŭra-2024, razabraŭšysia jašče ŭ pieršym tajmie z Francyjaj
U sieradu projdzie druhi paŭfinał: Anhlija — Niderłandy (22:00).
Francuzy vielmi chutka adkryli lik. Na 9-j chvilinie z padačy Mbape zabiŭ Randal Kało Muani. Naohuł za šeść matčaŭ heta byŭ usiaho druhi hoł francuzaŭ z hulni.
Ale ispancy chucieńka zraŭniali. Na 21-j chvilinie hoł-pryhažun u dziaviatku adpraviŭ supiertalent Łamin Jamal, jakomu ŭ subotu spoŭnicca ŭsiaho 17 hod.
A praz čatyry chviliny ispancy vyjšli napierad. Spačatku hoł zapisali jak aŭtahoł adnakłubnika Łamina Jamala Žula Kunde, ale potym pierapisali na Dani Olma. Ispanija — Francyja — 2:1.
Takim čynam u Olma (a heta paŭabaronca «Lajpcyha») — treci hoł na turniry, pryčym zabivaje Dani vyklučna ŭ płej-of.
Francyja pakidaje čempijanat Jeŭropy. U Mbape ŭsiaho adzin hoł na turniry, i heta pienalci ŭ matčy suprać Polščy.
U sieradu projdzie druhi paŭfinał: Anhlija — Niderłandy (22:00).
Finał adbudziecca ŭ niadzielu (22:00). Matča za treciaje miesca na čempijanatach Jeŭropy nie byvaje.
Ispanija trojčy vyjhravała čempijanat Jeŭropy: u 1964 hodzie, 2008 i 2012 hadach. Stolki ž pieramohaŭ u Hiermanii, ale na hetym čempijanacie ich u 1/4 finału vybili akurat ispancy.
Łamin Jamal: jak školnik ź biednaha katałonskaha rajona staŭ najlepšym raspasoŭščykam Jeŭra
Baćki hetaha 21-hadovaha forvarda zbornaj Ispanii pieški pierajšli Sacharu, kab vyratavacca ad vajny
Anhlija pa pienalci pieramahła Šviejcaryju i vyjšła ŭ paŭfinał Jeŭra-2024 VIDEA
Niderłandcy za šeść chvilin zabrali pieramohu ŭ Turcyi i daduć boj Anhlii VIDEA
Matč kvalifikacyi Lihi čempijonaŭ «Dynama» Minsk — «Piunik» pakažuć u Biełarusi
Kamientary