Stali viadomyja padrabiaznaści sustrečy Dudy i Si Czińpina nakont režymu Łukašenki
Detalami padzialiłasia ahienctva Bloomberg.
Pavodle krynic ahienctva Bloomberg, znajomych z pracesam niadaŭnich pieramovaŭ Andžeja Dudy ź Si Czińpinam, polski bok pryhraziŭ Kitaju abarvać čyhunačny tranzit jaho tavaraŭ u Jeŭropu praź Biełaruś, kali toj nie paŭpłyvaje na režym Łukašenki pa pytańni nielehalnaj mihracyi na polska-biełaruskaj miažy.
Tym samym Polšča namacała stratehičnuju ŭraźlivaść i Kitaja, i Biełarusi, bo paśla pieramovaŭ patok mihrantaŭ na miažy rezka skaraciŭsia, paviedamlaje ahienctva.
Krynicy adznačajuć, što z-za vajny va Ukrainie Biełaruś stała adzinym asnoŭnym čyhunačnym šlacham kitajskich tavaraŭ u Jeŭrasajuz, a ciapierašniaja niestabilnaść u Čyrvonym mory z-za atak chusitaŭ tolki ŭmacavała tranzitnuju rolu Biełarusi.
Hetaja tendencyja «radavała» Łukašenku, bo davała jamu mahčymaść kampiensavać amal poŭnuju zaležnaść Biełarusi ad Rasii ŭ halinie tannaj enierhii i kredytaŭ, padkreślivaje ahienctva.
Pa infarmacyi Bloomberg, tolki ŭ pieršym kvartale 2024 hoda abjom čyhunačnych pieravozak kantejnieraŭ z Kitaja praź Biełaruś pavialičyŭsia na 89%.
Kamientujučy ahienctvu chod pieramovaŭ u Piekinie, kiraŭnik polskaha MZS Radasłaŭ Sikorski zajaviŭ, što «Polšča ŭsio jašče mocna złujecca z-za zabićcia polskaha sałdata na miažy ź Biełaruśsiu» i tamu praciahnie vykarystoŭvać pahrozu zakryćcia čyhunačnaha tranzitu dla cisku na režym.
Kitajski MZS u svaju čarhu paviedamiŭ Bloomberg, što Piekin spadziajecca na vyrašeńnie polska-biełaruskich roznahałośsiaŭ šlacham dyjałohu, što «zabiaśpiečyć biaśpieku i bieśpierabojnaść mižnarodnych łahistyčnych kanałaŭ».
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary