Niečakana dla siabie siostry-bliźniaty Hruździevy vyśvietlili, što majuć roznyja nacyjanalnaści
U radyjoefiry śpiavački paspračalisia nakont svajoj nacyjanalnaści. Alaksandra śćviardžała, što jany — ruskija, a Valancina — što biełaruski. Niečakana vyśvietliłasia, što abiedźvie majuć racyju.
Ale pačniom spačatku. U mai 2024 hoda Hruździevy pajšli na efir radyjo «Minskaja chvala». Niahledziačy na toje, što jany jak zaŭsiody vydavali krynž, asablivaj papularnaści taja hutarka nie atrymała. Na YouTube-kanale radyjo videazapis razmovy nie nabraŭ navat tysiačy prahladaŭ.
Cikavaść da taho efiru źjaviłasia paśla taho, jak błohier Hleb Siamionaŭ vykłaŭ u tyktoku videa, dzie jon havoryć adnačasova z abiedźviuma siostrami Hruździevymi. Rolik za sutki nabraŭ kala 23 tysiač prahladaŭ.
— Nie, Vala, u nas nacyjanalnaść ruskija! Pačakaj, Vala, u nas u hrafie staić nacyjanalnaść — my ruskija! I voś hety charaktar… Vala, my ruskija! Ja hladzieła niadaŭna našaje paśviedčańnie ab naradžeńni, i ja zrazumieła, što my ruskija. Nu nie zrazumieła, a ja viedaju. My pamiarkoŭnyja, voś tak voś. Ale nasamreč my vielmi pazityŭnyja, my vielmi dobryja, my vielmi ščyryja. Prosta nas nie treba zakranać. I ŭsio! I tady ŭsim dobra. Praŭda, Vala?
Vidavočna, paśla taho, jak videa Hleba zavirusiłasia, siostry praciahnuli sprečku doma. A ciapier dali na svajoj ahulnaj staroncy ŭ instahramie spravazdaču dla padpisčykaŭ. Kab pastavić kropku ŭ hetym pytańni, Hruździevy paleźli hladzieć paśviedčańni ab naradžeńni svaich dziaciej (tam paznačajucca nacyjanalnaści baćkoŭ).
Vyśvietliłasia, što Valancina ŭ dakumiencie zapisanaja jak biełaruska, a Alaksandra (taja, jakaja zaŭsiody pieraškadžaje siastry havaryć i ciahnie ŭvahu na siabie) — jak ruskaja.
Jak takoje mahło zdarycca? Mahčyma, adzin z baćkoŭ siaścior byŭ ruskim, druhi — biełarusam. Pa ŭzajemnaj zhodzie maci i tata roznych nacyjanalnaściaŭ mohuć vybrać adnu ź dźviuch nacyjanalnaściaŭ dla svajho dziciaci. Mabyć, u vypadku ź bliźniatami baćki vyrašyli padzialić nacyjanalnaści pamiž dočkami.
Inšy varyjant — sama Alaksandra, kali rehistravała svajo dzicia, mahła vybrać dla siabie nacyjanalnaść adnaho sa svaich baćkoŭ i stać ruskaj.
Siostry Hruździevy prapanujuć artystaŭ, jakija nie padtrymajuć Łukašenku ŭ 2025-m, štrafavać na 500 tysiač jeŭra ci sadžać u turmu
Siostry Hruździevy śćviardžajuć, što viedajuć imiony arhanizataraŭ i vykanaŭcaŭ teraktu ŭ «Krokus Sici Choł»
Siostry Hruździevy raskazali, chto pašyŭ im trešovyja sukienki ŭ vyhladzie ściahoŭ
Adna ź siaścior Hruździevych nabyła palito «lubimaha brenda Pucina» za 3,5 tysiačy rubloŭ. Ale pamyliłasia
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary
Darečy, ŭ Hlebika Malavanaha ŭ kamentaroch, i tut, jak zrezanuje na tuzin čytackich dopisaŭ, spadaryń Hruździevych pavypisvajuć z cymusnych, na dumku aŭtaraŭ, i pazapisvajuć ŭ jełkija nacyjanalnaści.
[Hraje hit Lapisaŭ: lehiendy diełajut nas mudriej]