Pierakład ramana biełaruskaj piśmieńnicy Jevy Viežnaviec (sapraŭdnaje imia Śviatłana Kurs) «Pa što idzieš, voŭča?» naminavany na šviedskuju litaraturnuju premiju Kulturhuset Stadsteatern, paviedamlajecca na sajcie premii.
Litaraturnaja premija Kulturhuset Stadsteatern štohod prysudžajecca za vydatny mastacki tvor u vartym pierakładzie na šviedskuju movu.
Uznaharodu atrymlivajuć jak aŭtary, tak i pierakładčyki. Pryzavy fond u pamiery 150 000 šviedskich kron dzielicca paroŭnu pamiž aŭtarami i pierakładčykami.
Pierakład ramana «Pa što idzieš, voŭča?» na šviedskuju movu zrabili Kryścina Banduryna i Mikael Niudal.
Taksama na premiju pretendujuć knihi bałharyna Hieorhija Haspadzinava «Prytułak u časie», Bieaty Umubiei Majres (Ruanda / Francyja) «Usie tvaje raśsiejanyja dzieci», Łasła Krasnachorkai ź Vienhryi «Herscht 07769», narviežca Stejnara Opstada «Jašče adna kniha».
Kamientary