«Tefłonavy Mark», jaki zdoleŭ pasiabravać z Orbanam i Trampam. U NATA ad siońnia novy kiraŭnik

Rute — 57 hadoŭ, jon naradziŭsia na Dzień śviatoha Valancina ŭ siamji dyrektara adnoj z bujnych niderłandskich handlovych kampanij i skončyŭ histaryčny fakultet.

U 2002-2004 hadach byŭ namieśnikam ministra pracy i sacyjalnaj abarony, zatym da 2006 hoda.

Zajmaŭ pasadu premjera Niderłandaŭ amal 14 hadoŭ, pastaviŭšy rekord znachodžańnia na hetaj pasadzie ŭ krainie.

U 2014 hodzie Rute padtrymaŭ uviadzieńnie sankcyj suprać RF i paśla zajaŭlaŭ pra nieabchodnaść ich padaŭžeńnia i ŭzmacnieńnia strohaści.

Siarod inšaha Rute zmoh zavajavać prychilnaść premjer-ministra Vienhryi Viktara Orbana.

Marku pryjšłosia paabiacać Viktaru, što Vienhryi nikoli nie pryjdziecca ŭdzielničać u mierapryjemstvach pa padtrymcy Ukrainy za miežami terytoryi NATA, pakul Rute ŭznačalvaje aljans. Orban, jaki padtrymlivaje siabroŭskija stasunki z Rasijaj, taksama vyklučyŭ mahčymaść pastavak zbroi va Ukrainu. 

Viadomaja zdolnaść Rute supraćstajać palityčnym niahodam pryniesła jamu mianušku «Tefłonavy Mark», jakaja moža spatrebicca, kali Donald Tramp vierniecca ŭ Bieły dom i znoŭ pačnie svaje ataki na NATA, piša Deutsche Welle.

U Rute i Trampa skłalisia dziŭna pazityŭnyja adnosiny padčas pieršaha terminu znachodžańnia Trampa na pasadzie prezidenta ZŠA, pryčym Tramp navat nazvaŭ Rute «siabram». Adnak Rute, jak lidar tradycyjna handlovaj krainy, stroha vystupaŭ suprać pratekcyjanisckaj ekanamičnaj palityki Trampa.

Taksama Rute padtrymlivaje ŭzbrajeńnie Ukrainy. Jon kuryravaŭ aktyŭnyja pastaŭki zbroi Kijevu, uklučajučy hałandskija haŭbicy i samaloty F-16. 

Eks-premjera Niderłandaŭ nazyvajuć majstram kampramisu.

U jaho jość dośvied kiravańnia ŭradavymi kaalicyjami ŭ Niderłandach, ale ciapier jamu treba budzie pryvieści 32 partyi da kansiensusu, nieabchodnaha dla pryniaćcia ŭsich rašeńniaŭ NATA.

Były pres-sakratar NATO Aana Łunhiesku, jakaja daŭžej za ŭsich zajmała hetuju pasadu, miarkuje, što heta budzie samaj składanaj zadačaj dla Rute.

«Hienieralny sakratar NATA pavinien być nie tolki sakratarom, ale i hienierałam, zrazumieła, u palityčnym sensie», — skazała jana DW.

«Jon pavinien prademanstravać palityčnaje liderstva, nieabchodnaje dla prasoŭvańnia aljansu, tamu što dasiahnieńnie kansiensusu moža zaniać čas. Heta moža być brudna, heta moža być rasčaravalna, ale važna pakazać palityčny kirunak i prademanstravać prahres». Jana padkreślivaje, što šmathadovy vopyt Rute pa ŭtrymańni razdrobnienych hałandskich kaalicyjnych uradaŭ sasłužyć jamu dobruju słužbu ŭ budučyni.

• 6
• 0
• 0
• 0
• 1
• 0
• 0
• 1