Eks-kandydatku ŭ prezidenty Taćcianu Karatkievič pasadzili na 15 sutak
Farmalnaj začepkaj stała «zabaronienaje» fota, jakoje visieła ŭ jaje sacsietkach z 2020 hoda.
Kandydatku ŭ prezidenty — 2015 Taćcianu Karatkievič asudzili pa administratyŭnym palityčnym pratakole. Pra heta paviedamili «Našaj Nivie» siabry palityka. Pa ich słovach, jana atrymała 15 sutak. Farmalnaj pryčynaj stała toje, što ŭ sacsietkach Karatkievič znajšli niejkaje «zabaronienaje» fota z 2020 hoda.
Admietna, što da suda jaje nie zatrymlivali, adpuścili dadomu paśla składańnia pratakołu. Adnak u sudzie dali nie štraf, a 15 sutak.
U 2015 hodzie Karatkievič udzielničała ŭ vybarach prezidenta jak lidarka ruchu «Havary praŭdu». Inšych demakratyčnych kandydataŭ nie było, tamu šmat chto z apanientaŭ Alaksandra Łukašenki hałasavaŭ za jaje. Pa acenkach naziralnikaŭ, u Minsku jana nabirała kala 20-30% hałasoŭ. Tym nie mienš na vidavočna sfalsifikavanych vybarach joj namalavali ŭsiaho 4,44% i pastavili na druhoje miesca ŭśled za Łukašenkam.
U 2020 hodzie Karatkievič uznačaliła inicyjatyŭnuju hrupu kandydata Andreja Dźmitryjeva.
Paśla vybaraŭ i pratestaŭ adyšła ad palityčnaj dziejnaści, zajmałasia sacyjalnaj dapamohaj ludziam ź invalidnaściu.
Kamientary
Cikava, ci spadaryniu Karatkievičychu vypuściać.