Zialenski prapanuje nie «niejkija surjoznyja pytańni, vyniesienyja na stoł pieramovaŭ», a staryja idei, pa jakich na zachadzie daŭno nie mohuć damovicca, raspavioŭ Hitanas Naŭsieda.
«Płan pieramohi» Ukrainy, jaki prezident Uładzimir Zialenski pradstavić lidaram Jeŭrasajuza, nie prapanuje novych idej, ale źmiaščaje punkty, pavodle jakich jeŭrapiejskija krainy nie mahli damovicca hadami. Pra heta zajaviŭ litoŭski prezident Hitanas Naŭsieda pierad samitam ES, piša RBK.
«Takim čynam, ničoha novaha ŭ hetym płanie niama, i ja nie baču niejkich surjoznych pytańniaŭ, vyniesienych na stoł pieramovaŭ. Havorka idzie tolki ab našaj hatoŭnaści i abaviazacielstvach padtrymlivać Ukrainu», — skazaŭ litoŭski prezident Hitanas Naŭsieda.
Jon adznačyŭ, što punkty ab pryniaćci Ukrainy ŭ NATO, pastaŭkach dalnabojnych uzbrajeńniaŭ i dazvole nanosić udary pa dalokich celach u Rasiei nie mohuć być uchvalenyja ŭ ES praz adsutnaść kansensusu. Na jaho dumku, było b vialikaj pamyłkaj dumać, što naša nierašučaść — heta najlepšy šlach da deeskałacyi».
Zialenski prezientavaŭ svoj płan učora ŭ Viarchoŭnaj Radzie. Płan źmiaščaje piać punktaŭ, u kožnym ź jakich jość sakretnyja pałažeńni — ich pieradaduć partnioram Ukrainy i publikavać nie stanuć.
Kijeŭ nastojvaje na pryniaćci ŭ NATA, pašyranaj vajennaj dapamohi z boku Zachadu, raźmiaščeńni na Ukrainie niajadziernych stratehičnych uzbrajeńniaŭ, sumiesnym inviestavańni i vykarystańni ŭkrainskaha ekanamičnaha patencyjału i hetak dalej.
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj43
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary