U Minski zaapark pierajechaŭ leapard, jakoha vyvieźli z akupavanaha rasijanami Svatava
Rasijskija vojski zachapili horad u Łuhanskaj vobłaści ŭ pačatku poŭnamaštabnaha ŭvarvańnia ŭ 2022 hodzie. Bai kala Svatava iduć i ciapier.
U Minski zaapark pryvieźli leaparda pa mianušcy Porš. Jamu kala 3-4 hadoŭ, apošnim časam žyvioła znachodziłasia ŭ rasijskim chośpisie dla dzikich katoŭ «Dom tyhra».
Rabotniki zaaparka raskazali dziaržSMI, što Porša vyratavali z zony bajavych dziejańniaŭ, ale biez kankretyki. Miarkujučy pa ŭsim, da 2022 hoda Porš razam ź jašče adnym leapardam žyŭ va ŭkrainskim Svatavie Łuhanskaj vobłaści.
Rasijskija vojski zachapili horad u samym pačatku poŭnamaštabnaha ŭvarvańnia — 6 sakavika 2022 hoda. U vieraśni rasijanie na niejki čas pakinuli Svatava na fonie nastupleńnia USU, adnak potym viarnulisia. Z taho času horad znachodzicca niepasredna ŭ zonie intensiŭnych bajavych dziejańniaŭ.
Ab losie haspadara dvuch leapardaŭ ničoha nieviadoma. U kastryčniku 2023-ha žyvioł sa Svatava rasijskija vałanciory vyvieźli ŭ chośpis u Leninhradskaj vobłaści, dzie ŭtrymlivajuć žyvioł, jakim patrebny asablivy dohlad. Adnak Porš byŭ całkam zdarovy, i dla jaho šukali novy paŭnavartasny dom.
U vyniku leaparda vyrašyli pieradać u Minski zaapark, dzie, darečy, užo žyvie adzin leapard — 17-hadovy Lea.
Dla Porša ŭ zaaparku arhanizavali asobny valjer z terasaj. U zaaparku raskazvajuć, što leapard chutka adaptavaŭsia da novaha miesca.
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć88
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć8
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary