Akazvajecca, Biełaruś nie davała terytoryi dla napadu na Ukrainu. Łukašenka śćviardžaje, što heta było niešta inšaje
U intervju žurnalistu Bi-bi-si Styvienu Rozenbierhu Łukašenka siarod inšaha daŭ aryhinalnuju traktoŭku taho, što adbyłosia ŭ lutym 2022 hoda, kali rasijskija vojski pad vyhladam praviadzieńnia vajskovych vučeńniaŭ spačatku skancentravalisia na terytoryi Biełarusi, a paśla ździejśnili ź jaje napad na Ukrainu. Akazvajecca, heta nie padstava dla taho, kab śćviardžać, što Łukašenka daŭ Rasii terytoryju dla napadu.
«U nas byli vučeńni, na jakich było zadziejničana niekalki tysiač čałaviek rasijskich vojskaŭ. Hetyja vojski byli ŭ asnoŭnym z Uschodniaj akruhi, i
Pucin pačaŭ vyvodzić hetyja vojski ź Biełarusi. Jany byli na poŭdni, i pa hetaj darozie, mima miažy z Ukrainaj, jon pačaŭ vyvad vojskaŭ. Častku vojskaŭ u niejki pieryjad (spravakavali, ja ŭ hetym pierakanany) jon paviarnuŭ na Kijeŭ. Čamu tak adbyłosia? Spytajcie ŭ Zialenskaha», — skazaŭ Łukašenka.
Na pytańnie ž, čamu Biełaruś u toj momant nie padtrymała Ukrainu, Łukašenka adkazaŭ:
«Rasija — heta naš sajuźnik. U nas bolš ciesnyja adnosiny, čym u anhličan i amierykancaŭ. Ukraina paviała siabie ŭ dačynieńni da Biełarusi varoža: jana raniej, čym anhłasaksy, uviała suprać nas sankcyi».
Taksama jon paabiacaŭ padtrymlivać Rasiju stolki, kolki joj budzie treba, hetak ža sama, maŭlaŭ, jak i Zachad heta abiacaje Ukrainie.
Intaresy ž biełaruskaha naroda, pa jahonych słovach, nibyta
«absalutna supadajuć z rasijskimi. Pakul jany buduć supadać, my z Pucinym popleč budziem dziejničać».
Łukašenka raskazaŭ, što pradstaŭniki Zachadu pryjazdžali da jaho pahavaryć pra Jemien i Kitaj
Łukašenka zajaviŭ, što siam‘ia moža bačycca z Kaleśnikavaj i što jana ničym nie adroźnivajecca ad «miljona» inšych palitviaźniaŭ
Łukašenka vybraŭ Rasiju miescam zajavy, što pojdzie na vybary
Łukašenka daŭ intervju žurnalistu BBC Styvienu Rozenbierhu
Ciapier čytajuć
Aryštavany sienatar Karpicki, hałoŭny doktar Bresckaj abłasnoj balnicy2
Kamientary